Мавзу: Ўзбекистон – умумий уйимиз!

“АХБОРОТ ВА
МУРАББИЙЛИК СОАТИ”
МАВЗУ:
ЎЗБЕКИСТОН –
УМУМИЙ УЙИМИЗ!
Ўзбекистон миллатлараро тотувлик ва диний бағрикенглик соҳасида ўз анъаналарига доимо содиқ бўлиб, бу йўлдан ҳеч қачон оғишмасдан илгари боради. Мамлакатимизда турли миллат ва диний конфессиялар вакиллари ўртасида ўзаро ҳурмат, дўстлик ва аҳиллик муҳитини мустаҳкамлашга биринчи даражали эътибор қаратилади. Бу – бизнинг энг катта бойлигимиз ва уни кўз қорачиғидек асраб-авайлаш барчамизнинг бурчимиздир.
Шавкат МИРЗИЁЕВ,
Ўзбекистон Республикаси Президенти
Миллатпарварлик – инсоният тараққиётида миллатларнинг ўрни ва аҳамиятини тўғри тушуниш, Ер юзининг ҳар бир бурчагида мавжуд миллатларни тили, турмуш тарзи, ирқи, ташқи қиёфаси, урф-одатлари, дини, маданиятининг ўзига хос томонларидан қатъи назар, ҳурмат қилиш, уларнинг озодлиги, тенглиги, гуллаб-яшнаши учун шарт-шароитлар яратиб бериш тарафдори бўлиш.
Миллатпарварлик барча миллатларга баробар ҳурмат билан қарашдир.
Миллатпарвар бошқа миллатларни ўз миллати билан тенг кўради.
МИЛЛАТПАРВАРЛИК
НИМА?

• Мустақил Ўзбекистоннинг юксалиши, ўзбек миллати гуллаб-яшнашининг тарафдори бўлган ҳар бир инсон миллатпарварлик қоидаларига содиқ бўлиши керак.
• Чунки, давлатимизнинг келажаги, биринчи навбатда, ўзбек миллатининг уюшқоқлиги, ғурури, тадбиркорлиги ҳамда миллий ҳудудимизда истиқомат қилиб турган ҳар бир кишининг, миллати, дини, тили ва эътиқодидан қатъи назар, кўнглини ола билиш, уни умуммиллий мафкурамиз атрофида бирлаштиришга, жипслаштиришга боғлиқ.
• Ўзбекистонда яшаб турган 130 дан ошиқ миллат ва элат вакиллари шу йўлдан бормоқдалар. Шу сабабли мустақиллик йилларида миллатлараро ҳурмат-иззат ва ҳамкорлик мустаҳкамланиб бормоқда.

МИЛЛАТЛАРАРО ТОТУВЛИК
ҒОЯСИ
Ўзбекистон Республикаси Конституциясининг 4-моддасида кўрсатилганидек, Ўзбекистон Республикаси ўз ҳудудида истиқомат қилувчи барча миллат ва элатларнинг тиллари, урф-одатлари ва анъаналари ҳурмат қилинишини таъминлайди, уларнинг ривожланиши учун шароит яратади.