Mavzu “Yurish marshi“ F. Nazarov musiqasi

Mavzu

1.“Yurish marshi“

F.Nazarov musiqasi.

2.”Kuz“

N.Ro’zimuxamedov she’ri

S.Abramova musiqasi.

REJA

1. Fattox Nazarov hayoti va ijodi.

2. “Yurish marshi“

3. ”Kuz“ qo`shig`i

Fattoh Nazarov 1919-yili 1-yanvarda Bishkek shahrida hunarmand oilasida tug`ildi. Fattohning musiqaga havasi juda erta uyg`ondi. U onasining allalari, dutor chalib, qo`shiq aytishlarini va baytlarini tinglab o`sdi. Mahallaning o`zbek va qirg`iz ahli to`ylarida yangragan musiqa sadolari uni o`ziga maftun qilar edi. Uning baxtiga umumta’lim maktabini bitirgan yili shahar musiqa studiyasi ochildi. Fattoh Nazarov birinchilardan bo`lib klarnet chalishni o`rgana boshladi. Uning musiqiy qobiliyati va a’lo o`qishini nazarga olib, 1935-yil Ippolit Ivanov nomidagi Moskva musiqa bilim yurtiga o`qishga tavsiya etildi.
Mazkur o`quv yurtida klarnet va vilonchel mutaxassisliklari bo`yicha o`qidi. O`quv yurtini bitirish arafasida 1939-yili harbiy xizmatga chaqirildi. U harbiy qism damli orkestrida klarnetchi bo`lib xizmat qildi. Bu unga o`qishni bitirish imkonini berdi. 2-jahon urushi harbiy xizmatdan qaytishga yo`l qo`ymadi. 1941-1944 yillarda Fattoh Nazarov oddiy askar bo`lib xizmat qildi.
Moskva konservatoriyasi qoshidagi xarbiy dirijorlik fakultetida o`qigach, u 1945-yili ona shahriga qaytdi. Bishkek drama teatri musiqa rahbari va Qirg`iziston davlat filarmoniyasining xalq cholg`ulari orkestri dirijori lavozimlariga tayinlandi.
Fattoh Nazarov 1948-yilda skripka va fortepiano uchun bastalagan “Qo`shiq va raqs” kuyi, g`ijjak va fortepiano hamda skripka va fortepiano uchun poema, fortepiano uchun ”Noktyurn”, “Marsh”, “Fuga”, “Raqs”, “Vals” kabi pyesalar, skripka va fortepiano uchun “Konsertino”, g`ijjak va fortepiano uchun, dutor va fortepiano, violonchel va fortepiano uchun pyesalar, bolalar simfonik orkestri uchun 4 qismli suita, rubob uchun “Amudaryo”, vals-konserti kabi asarlarni yaratdi. Fattoh Nazarov “Ravshan”, “Aldangan qiz”, “Afsonaviy shaxs”, “Xarflar jangi” musiqali dramalar, “Oygul va Baxtiyor” nomli radio postanovkalar uchun musiqalar bastalagan
Kattalar uchun

• “O`zbekiston”;
• “Vatan mehri”;
• “Terimchi qiz”;
• “Qaydasan”;
• “Qirg`iziston”;
• “Kel bu oqshom”;
• “To`y taronasi”;
• “Qaldirg`och”;

Bolalar uchun

• “Sayra bulbul”;
• “Paxtaoy”;
• “Bo`z to`rg`ay”;
• “Oyijon”;
• “Qish-chog`lari”;
• “O`quvchilar saroyi”;
• “Mehribonim oyijon”;
• “Dadajon”