Мавзу: Юридик шахслардан олинадиган фойда солиғи Режа

СОЛИҚ ТЎЛОВЧИЛАР ТАРКИБИ, СОЛИҚ ОБЪЕКТИ ВА СОЛИҚ БАЗАСИ.

• Солиқ кодексига кўра юридик шахслардан олинадиган фойда солиғи тўловчилари бўлиб, молия йилида солиққа тортиладиган фойдага эга бўлган юридик шахслар ҳисобланади. Аммо солиққа тортишнинг алоҳида тартибига ўтган корхоналар, жумладан ягона солиқ тўловига ўтган микрофирма ва кичик корхоналар, савдо ва умумий овқатланиш ташкилотлари, ягона ер солиғи тўловчи қишлоқ хўжалик товари ишлаб чиқарувчилар бу солиқни тўловчиси ҳисобланишмайди.

СОЛИҚ ТЎЛОВЧИЛАР

• Юридик шахслар фойда солиғи бўйича бюджет билан ҳисоб-китобларни мустақил равишда амалга оширадилар.
• Солиққа тортиш мақсадида фойдага солиқ тўловчиларни резидентлар ва норезидентларга ажратилади. Ўзбекистон Республикасининг резиденти деб, Ўзбекистонда таъсис этилган ёки рўйхатдан ўтган ҳамда бош корхонаси Ўзбекистонда жойлашиб, Ўзбекистон Республикасидан ташқарида рўйхатдан ўтган юридик шахслар ҳисобланади. Ўзбекистон Республикаси резиденти бўлган юридик шахслар Ўзбекистонда ва ундан ташқаридаги фаолиятдан олган даромадларидан фойда солиғига тортиладилар.

ЮРИДИК ШАХСЛАР ФОЙДА СОЛИҒИ ТЎЛОВЧИЛАРИ БЎЛИШИ УЧУН ҚУЙИДАГИ ШАРТЛАРГА ЖАВОБ БЕРИШИ КЕРАК:

• рухсат этилган фаолиятдан фойда олиши (қонунчилик билан таъқиқланган фаолиятдан ташқари);
• ўзининг мол-мулкига эга бўлиши;
• мустақил тугалланган бухгалтерия балансига эга бўлиши;
• банкда ҳисоб рақамига эга бўлиши;
• идентификацион рақамга эга бўлиши.
• маҳаллий ҳокимият органларидан рўйхатдан ўтган бўлиши.

СОЛИҚ ОБЪЕКТИ

• Солиқ кодексининг 127-моддасига кўра юридик шахслардан олинадиган фойда солиғининг объекти бўлиб, Ўзбекистон Республикаси резидентларининг ва норезидентларининг фойдаси ҳамда резидент ва норезидентларнинг чегирмалар қилинмаган ҳолда тўлов манбаидан солиқ солинадиган даромадлар ҳисобланади.

СОЛИҚ СОЛИНАДИГАН БАЗА

• Солиқ солинадиган база жами даромад билан чегириб ташланадиган харажатлар ўртасидаги фарқ ҳисобланади (Солиқ кодексининг 128-моддаси).
• Юридик шахсларнинг фойда солиғи бўйича солиқни тўлиқ, тўғри аниқлаш (ҳисоблаш) учун уларнинг жами даромадлари таркибига нималар киришини мукаммал ўрганиш зарур бўлади.