Mavzu: Yoshlar orasida Tadbirkorlik faoliyatini qo`llab quvvatlash, rivojlantirish omillarini tahlil qilish

Mirzo Ulug`bek nomidagi O`zbekiston Milliy Univeristeti ijtimoiy fanlar fakulteti Sotsiologiya yo`nalishi talabasi Tog`ayeva Nilufarning bajargan amaliy tadqiqoti.


MAVZU: Yoshlar orasida Tadbirkorlik faoliyatini qo`llab quvvatlash, rivojlantirish omillarini tahlil qilish

Tadqiqot dolzarbligi va ahamiyati. Mamlakatda xususiy mulk va tadbirkorlikning yanada rivojlanishi, chet el investitsiyalarining keng jalb qilinishi va mahalliy ishlab chiqaruvchilarning tashqi bozorlarga chiqishiga va valyuta zahiralarini ko`payishiga xizmat qiladi. Tadbirkorlik tuzilmalari o`zlari yangi ish joylari barpo etishlari, ichki bozorda tovarlar tanqisligini kamaytirishlari, narx barqarorligi, raqobat muhitini qaror toptirishda muhim o`rin egallashlari hamda qishloq xo`jaligi mutloq ustunlikka ega bo`lgan ayrim hududiy birliklarda mahalliy budjetlar daromad qismlarining asosiy manbai bo`lishliklari bilan o`zining kutilgan samarasi bermoqda.
O`zbekiston Respublikasi prezidentining 2021-yil 20-apreldagi “Yoshlarning tadbirkorlik faoliyatini qo`llab-quvvatlash va bandligiga ko`maklashish, ularni ijtimoiy himoya qilish hamda bo`sh vaqtni mazmunli tashkil etishga oid qo`shimcha chora-tadbirlari to`g`risida”gi farmoni hamda, O`zbekiston Respublikasi Vazirlar mahkamasining “Yoshlar sanoat va tadbirkorlik zonasi hamda yosh tadbirkorlarni qo`llab-quvvatlash jamg`armasi to`g`risida nizomlarni tasdiqlash to`g`risida”gi qarorlari shuningdek, sohaga oid boshqa normativ- huquqiy hujjatlarda belgilangan vazifalarni bajarishga ushbu tadqiqot muayyan darajada xizmat qiladi.
Jahon mamlaakatlari tajribasida ham tadbirkorlik faoliyati va ularning jadal rivojlanishi uchun tadbirkorlik muhitini shakllantirishg e`tibor qaratilishi kuzatiladi. Shundan, kelib chiqib, iqtisodiy munosabatlarni takomillashtirish, ularning samaradorlik darajasini oshirish shu kunning davr talabi ekanligi inobtga olgan holda hududlar miqyosida tadbirkorlikni rivojlantirish, undagi muammolar va yechimini kutayotgan vazifalarni tadqiq etish dolzarb va amaliy xarakterga ega hisoblanadi.