Mavzu: Yo’l belgilarining o’rnatilishi Reja: Yo’l belgilarining guruhlari

Qatnov qismida transport vositalarining joylashish qoidalariga amal etmaslikning xavfli oqibatlari
Yo’llarning serqatnov qismlarida oraliq va yon masofani saqlash juda muhim. Bunda ob – havo, yo’l sharoiti, transport vositasining holati va haydovchining ruhiy holati alohida ahamiyatga ega. Agar haydovchi qoidani buzgan holda qarama-qarshi bo’lakka chiqsa yoki oraliq va yon masofani saqlashda xatolikka yo’l qo’ysa, yo’l – transport hodisasi kelib chiqishi mumkin.
Agar yo’l – transport hodisasi holati yuzaga kelsa, EKOIHning 10 baravari miqdorida ma’muriy javobgarlik belgilanadi. Ushbu qoidabuzarlik bir yil ichida qayta sodir etilsa, belgilangan eng kam oylik ish haqining 20 baravari miqdorda jarimaga tortiladi yoki 6 oydan 1 yilgacha haydovchilik huquqidan mahrum etiladi.
To’xtash va to’xtab turish qoidalariga amal etmaslikning xavfli oqibatlari
Haydovchi yo’l yoqasida to’xtash va to’xtab turish jarayonida boshqa harakat ishtirokchilariga xalaqit bermaslik shartlariga e’tiborni qaratishi kerak. Ruxsat etilmagan joylarda to’xtash va to’xtab turish yo’l harakatida qator tartibsizliklarni keltirib chiqaradi va yo’lning o’tkazuvchanligini keskin susaytiradi. Natijada, vujudga kelgan tirbandlik yo’l – transport hodisasini keltirib chiqarishi va oqibatda harakat xavfsizligi buzilib, piyodadar hayoti xavf ostida qolishi mumkin. SHuning uchun to’xtash va to’xtab turish qoidalari buzilgan taqdirda, haydovchi O’zbekiston Respublikasi Ma’muriy javobgarlik to’g’risidagi kodeksining 128-6 – 1- moddasiga binoan o’rnatilgan eng kam oylik ish haqining 3 baravari miqdorida ma’muriy javobgarlikka tortiladi.
O’zbekiston Respublikasi Ma’muriy javobgarlik to’g’risidagi kodeksining 128-6-moddasi 2-qismiga muvofiq, xuddi shunday huquqbuzarlik ma’muriy jazo qo’llanilgandan keyin bir yil davomida takroran sodir etilsa, o’rnatilgan eng kam ish haqining 5 baravari miqdorida ma’muriy javobgarlikka tortiladi.
O’zbekiston Respublikasi Ma’muriy javobgarlik to’g’risidagi kodeksining 128-6-moddasi 3-qismiga muvofiq bunday huquqbuzarlik ma’muriy jazo qo’llanilgandan keyin bir yil davomida uchinchi marotaba takroran sodir etilsa, o’rnatilgan eng kam ish haqining 10 baravari miqdorida ma’muriy javobgarlikka tortiladi.
O’zbekiston Respublikasi Ma’muriy javobgarlik to’g’risidagi kodeksining 128-6-moddasi 4-qismi bilan yuqoridagi huquqbuzarlik ma’muriy jazo qo’llanilgandan keyin bir yil davomida to’rtinchi marotaba takroran sodir etilsa, o’rnatilgan eng kam ish haqining 15 baravari miqdorida ma’muriy javobgarlikka tortiladi.