Mavzu: Yo’l belgilarining o’rnatilishi Reja: Yo’l belgilarining guruhlari

1.7. – Uzuq-uzuq (shtrix) teng oraliqli qisqa chiziqlar
CHiziqlari qisqa va uzunligi o’zaro oraliq masofasiga teng bo’lgan ushbu shtrix shaklli chiziqlar murakkab chorrahadagi burilishlarda harakatlanish bo’laklarini bildiradi. Transport vositalari haydovchilari chorrahada bevosita ushbu chiziqlar orqali belgilangan harakat bo’laklariga rioya qilishlari kerak. Katta chorrahalarda transport oqimini tartibga soluvchi teng oraliqli chiziqlar yo’llarning o’tkazuvchanligini oshirishga xizmat qiladi. Yo’l chiziqlari bilan belgilab qo’yilgan talablarga rioya qilmaganlik uchun eng kam oylik ish haqining 0,5 baravari miqdorida jarima belgilanadi.
1.8. – Enli uzuq-uzuq shtrix chiziq
Enli uzuq-uzuq chiziq tezlanish yoki sekinlanish bo’lagini yo’lning asosiy qismidan ajratib turadi. Transport vositalari ushbu chiziq bilan ajratilgan bo’lakda tezlanish olib, asosiy yo’lga qo’shilishlari yoki asosiy yo’ldan ushbu bo’lakka o’tib keyin tezlikni pasaytirishlari kerak. Bundan ko’zlangan asosiy maqsad yo’lning asosiy qismidagi transport vositalarining yuqori tezligiga xalaqit qilmaslikdan iborat. Yo’l chiziqlari bilan belgilab qo’yilgan talablarga rioya qilmaganlik uchun eng kam oylik ish haqining 0,5 baravari miqdorida jarima belgilanadi.
1.9. – Parallel uzuq-uzuq chiziqlar
Parallel uzuq-uzuq chiziqlar reversiv harakat tashkil qilingan harakat bo’lagini chegaralaydi. Reversiv harakatlanish amalga oshirilgan yo’l bo’laklarida harakatni maxsus reversiv svetofor tartibga soladi. Svetofor o’chirilgan holatda esa, ushbu yo’l bo’lagi qarama-qarshi yo’nalishdagi transport vositalarining oqimini ajratadi. Ushbu chiziq haydovchiga nisbatan o’ng tomonda bo’lgandagina, haydovchi chiziqni o’z yo’nalishi bo’yicha o’ng tomonga kesib o’tishi mumkin. Reversiv svetofor yoqilgan paytda bir yo’nalishli bo’laklarni ajratayotgan bu yo’l chizig’ini zarur hollarda kesib o’tishga ruxsat etiladi. Ikki parallel uzuq-uzuq chiziqni kesib yo’lning qarama-qarshi tomoniga o’tgan haydovchi eng kam oylik ish haqining 10 baravari miqdorida ma’muriy javobgarlikka tortiladi.