Mavzu: Yog’ochning fizikaviy xossalari. Yog’och turlarining xususiyatlari. Duradgorlikda ishlatiladigan yelimlar va bo’yoqlar turlari, xususiyatlari, ishlatish sohalari a ta’limiy

II. O’tilgan mavzuni so’rash.
O’tilgan mavzu yuzasidan “Blits- so’rov” o’tkaziladi.
1-guruh uchun savollar: 1.Metallarga ishlov berishga oid xalq hunarmandchiligi kasblarini sanab bering?
2. Kandakorlik deganda nimani tushunasiz?
2-guruh uchun savollar:
1. Texnologik xarita haqida ma’lumot bering?
2. Metallarni kesishda bolg’a bilan urishning necha xil usuli qo’llaniladi?
Javoblar:
1- guruh savollari uchun javoblar:
1. Metallarga ishlov berishga oid xalq hunarmandchiligiga oid chilangarlik,, pichoqchilik, misgarlik, zargarlik kasblari keng tarqalgan.
2. Kandakorlik deganda metalldan yasalgan badiiy buyumlarga o’yib yoki bo’rtiq qilib naqsh ishlash tushuniladi.
2- guruh savollari uchun javoblar:
1. Texnologik jarayon deganda ishlab chiqarish jarayonining bir qismi tushuniladiki, unda zagotovkani tayyor detalga aylantiriladi. Texnologik xarita quyidagi bo’limlardan, 1-operasiya va o’tishlarning nomlari; 2- ishlov berishning eskizi, 3-foydalaniladigan asboblar, 4- qo’llanadigan moslamalardan iborat 2. Metallarni kesishda bolg’a bilan urishning 3 xil usuli qo’llaniladi. Bular: panja zarbi, tirsak zarbi, va yelka zarbi deb ataladi.
III. Yangi mavzu:
Reja:
1. Yog’ochlarning fizik xossalari
2. Yog’ochlarning turlari
3. Yelimlar va bo’yoqlar turlari va ularni ishlatish qoidalari
Yog’ochning fizik xossalari deb, materiallarning butunligiga ta’sir etmaydigan va uning kimyoviy tarkibini o’zgartirmaydigan xossalariga aytiladi.
Yog’ochning fizik xossalari uning rangi, tovlanishi, tob tashlab eshilishi, tabiiy guli(teksturasi), hidi, namligi, nam tortib bo’kishi, quruvchanligi, zichligi, nam o’tkazuvchanligi, issiqlik o’tkazuvchanligi, tovush o’tkazuvchanligi va elektr o’tkazuvchanligidan iborat
Rang yog‘och materiallarning turlarini va ularning sifatlarini aniqlashga imkon beradigan muhim xossalaridan biri. yog‘ochning rangi avvalo uning turiga va o‘sish sharoitiga bog‘liq. Ko‘pchilik yog‘ochlar (qayin, tol, arg‘uvon, terak, archa) oqish rangli bo‘lib, nursiz izlari bo‘ladi. Eman, shumtol— jigar rang; qora qayin, akatsiya — oq qizg‘ish; yong‘oq, qayrag‘och — qoramtir bo‘ladi. Ko‘pchilik daraxtlar kesilgandan so‘ng ularning yog‘ochligi qoramtir bo‘lib qoladi. Bu narsa havo tarkibidagi kislorodning ta’siri natijasidir. Yog‘och rangini yaxshilash uchun, shuningdek, uni boshqa rangga kiritish uchun Unga turlicha ishlov beriladi. Yog‘och ko‘pincha ximiyaviy moddalar bilan bo‘yaladi. Yog‘ochning tovlanishi (yaltiroqligi). Yog‘och o‘zak nurlari tufayli, ularning yo‘nalishi va zichligiga bog‘liq holda tovlanadi. Yog‘ochning tovlanishini sun’iy ravishda orttirish uchun loklash, politurlash va mumlash ishlari bajariladi.