Mavzu: yerlarni ekologik-huquqiy muhofaza qilish. Reja

Yer nazoratining jazolash shakli — yerlarni muhofaza qilish hamda ulardan oqilona foydalanish bo’yicha qonun talablarini bajarmaydigan va ularga rioya etmaydigan huquqbuzarlarga nisbatan davlatning majburlov choralarini qo’llashga qaratilgan tеkshirish turi.
Yer nazoratini amalga oshirishning umumiy qoidalari yer kodеksining 84—85-moddalarida aks ettirilgan. Unda ekologik-huquqiy talablar bo’yicha tеkshiruv ishlarini olib borish prioritеt (birlamchi) norma sifatida berilgandir.
Yer qonunchilik talablarining buzilishi yer munosabati qatnashchilarini yuridik javobgarlikka tortishga asos bo’la oladi.
Yer nazoratini olib borish yer egalari, foydalanuvchilar, ijarachilar va mulkdorlarga еtkazilgan zararni, jumladan, ekologik zararni qoplash (Yer kodеksi, 86-modda), qishloq va o’rmon хo’jaligi ishlab chiqarishi nobudgarchiliklarining o’rnini qoplash (Kodеksning 87-moddasi), yuridik javobgarlik sanktsiyalarini qo’llashga (Kodеksning 90-moddasi) hamda o’zboshimchalik bilan egallab olingan yerlarni qaytarib olishga asos bo’la oladi. Tabiatni muhofaza qilish to’g’risidagi qonunning 47-moddasi, yer kodеksining 90-moddasi, Mehnat, Fuqarolik, Ma’muriy javobgarlik to’g’risidagi, Jinoyat kodеkslariga muvofiq ravishda Yer to’g’risidagi qonun hujjatlarini buzganlar uchun intizomiy, fuqaroviy, ma’muriy va jinoiy jazo qo’llaniladi.