Mavzu: Yer unumdorligi va ekin hosildorligini oshirishda o’g’itlar ahamiyati va turlari mundarija

O’qituvchi: Yurtimizda sizning kasbingizga oid qanday yangiliklar, o’zgarishlar, imkoniyatlar bo'lmoqda?
Dehqonlar: Bizga qishloq ho’jaligi sohasini rivojlantirish uchun ulkan imkoniyatlar yaratilmoqda. Jumladan davlat ehtiyoji uchun harid qilinadigan paxta g’alla hosilini yetishtirish uchun Tijorat banklari tomonidan yillik 3% miqdorida imtiyozli kreditlar ajratilmoqda. Bundan tashqari qishloq ho’jaligi sohasini keng tarmoqli qilish va yetishtirgan mahsulotlarimizni eksportga chiqarishimiz uchun ham ulkan imkoniyatlar yaratilgan.
Shifokorlar: Yurtimizda biz shifokorlarga ham katta imkoniyatlar yaratilgan.Jumladan chet eldan eng so’nggi rusumdagi davolash va tahlil qilish tehnologiyalari kirib kelmoqda,nafaqat shaxar markazlari balki chekka qishloq hududidagi qishloq vrachlik punktlari ham bunday zamonaviy tehnoloyalar bilan jihozlangan.Bundan tashqari prezidentimiz Shavkat Miromonovich Mirziyoyev tomonidan tasdiqlangan farmoniga asosan dorixonalardagi dori darmonlarning narxini suniiy oshib ketishiga chek qo’yildi, ya’ni dori darmonlarning narxi O’zbekiston Respublikasining barcha hududlarida bir hil narxda sotilishi belgilab qo’yildi.
Sotuvchilar: Yurtimizda biz sotuvchi tadbirkorlarga ham bir qator qulayliklar berildi. Jumladan, Har bir xo’jalik yurituvchi subyektlari alohida to’lov terminallari va kassa apparatlari bilan jihozlandi. Mijoz tomonidan ariza tushmaganda har qanday tekshirishlar bekor qilindi. O’zimizning sifatli va eksportbop mahsulotlarimiz bilan savdo do’konlarimiz to’lmoqda.
II. O’tilgan mavzuni mustahkamlash.
O’qituvchi: Biz o’tgan darsimizda qaysi mavzu bilan tanishganmiz?
O’quvchi: Biz o’tgan darsimizda qishloq xo’jaligida poliz ekinlarini yetishtirish texnologiyasi va yetishtirish jarayoni haqidagi mavzu bilan tanishganmiz.
O’qituvchi: O’tilgan mavzu bo’yicha kasb egalari o’zlarining fikrlarini aytib o’tsin.
Dehqonlar: Poliz ekinlari urug’i tez unib chiqadi va rivojlanish jarayonlari tez kechadi. Harorat qulay hamda tuproq namligi yetarli bo’lganda ularning urug’i 3-4 kun ichida una boshlaydi va urug’ ekilgandan so’ng 8-10 kun o’tib maysasi unib chiqadi. Poliz ekinlarini bir paykalda tez-tez ekish kasalliklarni kuchaytiradi hamda hosildorlikni keskin kamaytiradi. Poliz ekinlari uchun chimzor yer eng yaxshi ekin maydoni hisoblanadi. Almashlab ekishda esa uni karam hamda sabzining o’rniga ekish maqul hisoblanadi. Poliz ekinlarini yengil qumoqli yerlarga ekkan maqul.
Shifokorlar: Poliz ekinlariga qovun, tarvuz va oshqovoq kiradi. Tarvuz va qovunni yangi uzilgan holda ham, qayta ishlashdan o’tkazib ham iste’mol qilish mumkin. Qayta ishlangan mahsulotlarga shinni, qovun qoqi va tuzlangan tarvuzlarni misol keltirishimiz mumkin. Tarvuzning tarkibida o’rtacha 10-12 % quruq modda,6-11% shakar,0.5%oqsil hamda biriktiruvchi to’qima,0.1% yog’ mavjud. A, V1,V2, RR va boshqa darmon doriga boy, uning tarkibida temir hamda kalsiy tuzi, kaliy, magniy hamda oltingugurt mavjud.
Sotuvchilar: Poliz ekinlari turlaridan: qovun, tarvuz, handalak, oshqovoq bularning hammasi bizda mavjud. Mana bu oshqovoqlardan somsa va mantilar juda shirin chiqadi. Hamma qovun navlaridan bor: Obinovvot, shakarpalak, qirqma qovun… Ular yangi uzilgan. Bularning hammasi o’zimizda yetishtirilgan.
O’qituvchi: Guruhlarimiz fikrlaridan ma’lumki, biz bu poliz ekinlarini sevib iste’mol qilamiz. Yoz faslini sabrsizlik bilan kutamiz. Ular dasturxonimizni bezaydi. Xalqimiz ochqasa ham, chanqasa ham, mehmon kelsa ham, tarvuz qovunlarni iste’mol qiladi. Shifokorlarimiz maslahatiga ko’ra poliz ekinlarini sog’ligimiz uchun foydali ekanligini bilib oldik.
O’quvchilar diqqatini jalb qilish uchun “Sehrli qafas siri” chamanzor deb nomlangan ko’rgazmani namoyish etamiz.