Mavzu: xalqaro moliyaviy institutlarning tijorat banklari investitsiya loyihalarini moliyalashtirishi

Tadqiqotning asosiy masalalari va farazlari. Tadqiqot ishida ishlab chiqilgan taklif-tavsiyalarning amaliyotda qo'llanilishi iqtisodiyotni modernizatsiyalash sharoitida xorijiy banklari kredit liniyalari hisobiga investitsiya loyihalarini moliyalashtirishni takomillashtirishga xizmat qilishi mumkin.
Tadqiqot mavzusi bo'yicha adabiyotlar sharhi (tahlili). Investitsiya loyihalarini xorijiy banklar kredit liniyalari hisobiga moliyalashtirishning nazariy, uslubiy, amaliy yo'nalishlari bir qator xorijlik iqtisodchi-olimlar va mutaxassislarning ilmiy izlanishlarida o'z aksini topgan. Jumladan, EonapeB B.B., Epyica H., HBacemco A.r., MaprojiHH A.M., HeimrroH A.C., KOJITBIHIOK B.A., naHoBa r.C.larning ilmiy ishlarida investitsiyalarning nazariy asoslari, iqtisodiyot taraqqiyotidagi roli, investitsiyalarning samaradorligi tahlili, investitsiyalarni moliyalashtirish masalalari tadqiq etilgan.
Respublikamiz iqtisodchi-olimlaridan - D.G'ozibekov, Sh.Abdullaeva, A.Vaxobov, D.Tojiboeva, Sh.Xojibakiev, N.Muminov, A.Jo'raev, D.Xo'jamqulov,
B.Mamatov, B.Xodiev, Sh.Shodmonov, U.G'afurov, N.Karimov, Sh.Axmadjonov va boshqalarning ilmiy ishlarida investitsiyalarning, shu jumladan, xorijiy investitsiyalarni
jalb qilishning zarurligi, turlari, shakllari, investitsiya loyihalarining moliyaviy ta'minoti, xorijiy investitsiyalarning iqtisodiyotni rivojlantirishdagi roli, investitsiyalar tahlili masalalari aks ettirilgan. Biroq, bugungi kunda xorijiy banklar kredit liniyalari mablag'laridan foydalanish mexanizmi va uni tartibga solish masalalarini yanada chuqurroq o'rganish talab etilmoqda.
Bugungi kunda respublika iqtisodiyotida xorijiy banklar bilan o'zaro hamkorlik faollashib bormoqda. Shuning uchun ham bu hamkorlikning iqtisodiy mohiyatini, uning iqtisodiyotimizni rivojlantirishdagi ahamiyatini va zaruratini asoslash va tahlil etish, xorijiy kreditlarni jalb qilish shakllarini takomillashtirish va qulay investitsiya muhitini yaratish yo'lidagi muammolarni bartaraf etish va xorijiy banklar kredit liniyalari mablag'lari hisobiga investitsiya loyihalarni moliyalashtirishni takomillashtirish bo'yicha taklif-tavsiyalar ishlab chiqish muhim ahamiyat kasb etadi.