Mavzu: Web resurslarini yaratish va ularning dasturiy va texnik muammolarini o’rganish

EATR ni yaratishga qo’yiladigan o’quv-uslubiy talablar:

- ko’p miqdordagi masalalarni echish yoki birlamchi ma’lumotlarni o’zgartirish orqali taxlil qilish;

- grafik interpretasiyalardan foydalanish;

- ta’lim beruvchiga darsni mustaqil dars ko’rinishda o’tkazishga sharoit yaratish, bu holatda tinglovchi maslahatchi rolida ishtirok etish;

- pedagog ta’lim oluvchilar o’zlashtirgan bilim darajasini turli-xil murakkablikdagi (murakkablik darajasi bo’yicha shakllantiriladigan) testlar yordamida nazorat qilish imkoniyatini berish;

- darslarga tayyorgarlikni pedagogga qulay usulda amalga oshirishga imkoniyat (slayd, matn, taqdimot (prezentasiya), videomaterial va h.k.) ni yaratish.

EATR muayyan funksional vazifalarni bajara olishi zarur. Shu sababli ularni yaratishga nisbatan funksional talablar ham qo’yiladi. EATR ni yaratishga qo’yiladigan funksional talablar va ularning mohiyatini yoritishdan avval “funksionallik”³ tushunchasining lug’aviy ma’nosini anglay olish maqsadga muvofiqdir.