|
4. Nazorat bo’limi:
4.1. Bilimlarni nazorat qilish shakli.
4.2. Savollar bazasi.
4.3. Interfaol testlar.
- o’quv bloklari bo’yicha testlar;
- o’quv moduli bo’yicha teslar.
EATR ning asosiy elementlari sxemada quyidagicha yoritiladi.
(6-rasm):
6-rasm. EATR tarkibiy tuzilmasining sxemasi
EATR ning “Titul ekrani” tegishli o’quv moduli (o’quv fani) bo’yicha Web texnologiyasi asosida yaratilgan bu turdagi elektron o’quv manbalariga oid asosiy ma’lumotlarni berishga xizmat qiladi. Unda quyidagi ma’lumotlar beriladi:
EATR ning “Titul ekrani”da aks etadigan ma’lumotlar:
1. EATR ni yaratishda ishtirok etgan mualliflar to’g’risidagi ma’lumotlar,
Ularning fotografiyalari, shuningdek, ishtirokchi jismoniy hamda yuridik
shaxslarga oid ma’lumotlar.
EATR ning nomi.
Grif matni.
Minimal qayd etilgan talablar.
EATR qayd etilgan raqam.
Mualliflik huquqi himoyalanganlik belgisi.
Bibliografik bayon.
EATR ning “Titul ekrani” da o’z ifodasini topgan barcha tarkibiy qismlar “Elektron nashrlar, asosiy turlari va ularga oid muhim ma’lumotlar” “Davlat tarmoq standartlari” da ko’rsatilgan shartlar asosida yoritilishi zarur.
O’z mohiyatiga ko’ra EATR ning “Nazariy bo’lim”i mantiqan tugallangan o’quv modullaridan tarkib topadi va u o’zida EATR ta’lim yo’nalishining o’quv rejasida belgilangan hajmdagi o’quv modulini nazariy o’rganishga oid materiallarni qamrab oladi. Mazkur materiallar ma’ruza matni, darslik, o’quv qo’llanmasi, metodik qo’llanma va boshqa manbalarning elektron shakli yoki tasviriy multimediya materiali, ko’rgazma, ko’rsatmali material va boshqalar ko’rinishida joylashtiriladi. Ushbu bo’limda joylashtirilgan barcha ma’lumotlar umumiy holda o’quv moduli (o’quv fani) ning nazariy asoslarini to’la-to’kis qamrab olishi zarur.
EATR ning “Amaliy bo’lim”i bu amaliy xarakterga ega materiallarning ishchi o’quv dasturida qayd etilgan mashg’ulotlar turlari, ular uchun ajratilgan soatlar hajmiga ko’ra joylashtirilishini ta’minlaydi. Bo’limni ishchi o’quv dasturida ko’rsatilgan amaliy xarakterdagi mashg’ulotlar bo’yicha bir necha bo’limga, m: “Laboratoriya mashg’ulotlari”, “Seminar mashg’ulotlari”, “Nazorat ishi uchun topshiriqlar”, “Nazorat ish uchun topshiriqlarning bajarilish metodikasi”, “Invidual amaliy ish” tarzida ajratib olish mumkin. EATR “Amaliy bo’lim”ining har bir mustaqil bo’limida hech bo’lmaganda bittadan topshiriqlarning bajarilishiga oid namun berilishi zarur. Bu tartibda ish ko’rish ta’lim oluvchilarning EATR bo’yicha mustaqil ta’lim olishlarini osonlashtiradi.
Elektron o’quv manbasining “Laboratoriya mashg’ulotlari” bo’limi bu turdagi mashg’ulotlar uchun mo’ljallangan ishlarni bajarishga oid metodik materiallar, tasviriy multimediya va boshqa shu kabi ma’lumotlarni, laboratoriya ishlarini bajarish bosqichlarining tavsifi, laboratoriya ishlarini bevosita bajarilishi va olingan natijalarni taxlil qilishga doir axborotlarni yoritishga xizmat qiladi. Ushbu bo’lim o’zida shuningdek, virtual laboratoriya ishlari, stendlar, maketlar hamda elektron trenajyorlarni ham qamrab oladi.
EATR ning “Amaliy, seminar mashg’ulotlari” bo’limi esa amaliy va seminar mashg’ulotlarni tashkil etish uchn taqdim etilgan muayyan ko’nikma, malakalarni shakllantirishga oid metodik materiallarni, ko’rsatmali namuna asosida o’rganilgan o’quv materialini takrorlar hamda mustaxkamlashga oid amaliy masalalar, mustaqil bajarishga oish topshiriqlarni va ularning echish yo’llarini, elektron trenajyorlarni, ishchanlik o’yinlari bo’yicha yoritishga xizmat qiladi.
“Nazorat ishlari” kichik bo’limida anglanganidek, ta’lim oluvchilarning bilimlarini nazorat qilish uchun mo’ljallangan topshiriqlar, ularni bajarish hamda rasmiylashtirishga oid metodik ko’rsatmalar o’rin oladi.
EATR ning “Nazorat bo’limi” bevosita tinglovchilarning bilimlarini sinovdan o’tkazishga yo’naltiriladi. Bo’limning amaliy xarakteri ta’lim oluvchilarni ilmiy va o’quv adabiyotlari bilan mustaqil ishlashga yo’naltirishi, mustaqil ravishda o’z-o’zini imkoniyatini. Ta’minlash bilan belgilanadi. Mazkur bo’lim malaka oshirish kurslari tinglovchilarini o’z-o’zini nazorat qilish, oraliq va yakuniy baholashga xizmat qiladi. Bo’lim quyidagilardan tarkib topadi. (7-rasm):
7-rasm. EATR “Nazorat bo’limi” ning tarkibiy tuzilmasi
Qo’shimcha ravishda EATR da ma’lumotnoma hamda yordamchi materiallar, xususan, glossariy, qisqartma (abbreviatur) lar ro’yxati, o’quv moduli (fani) ni o’rganishda ko’p marta takrorlanadigan savollar hamda ularning javoblari, muhit manba (adabiyot) larning elektron variantlari, anketalar, tipik vaziyat, masalalarning echimlari hamda tinglovchilarning ijodiy ishlaridan namunalar, xrestomatiya va b.ni kiritish mumkin.
Do'stlaringiz bilan baham: | 
