Mavzu: Video adapterni tanlash va o'rnatish. Monitor ulanishi videoproektorni o'rnatish va sozlash. Ovoz kartasini va televizor tyunerini o'rnatish va sozlash

Monitorlarni ulash

Videoadapter o‘rnatilgandan so‘ng ShK g‘ilofining orqa panelida monitorni ulash uchun razyomni ko‘rish mumkin.

Suyuq kristalli monitorlarni ulash. Suyuq kristalli monitorlar tabiatan raqamli bo‘lishiga qaramay, ko‘pchilik integrallashtirilgan grafik nimtizimli kompyuterlar yoki tizimlar, monitorlarni ulash uchun faqat analog portlarga ega. Shuning uchun standart suyuq kristalli monitor analog VGA port bilan ham, raqamli DVI porti bilan ham jihozlangan bo‘lishi mumkin.

ENN-monitorlarni ulash uchun interfeyslar. Ko‘pgina ENN-monitorlar an’anaviy 15 kontaktli VGA portlariga ulash uchun mo‘ljallangan, shunga qaramasdan ularning ba’zi bir professional modellari BNC ga ulanishni qo‘llaydilar. Ba’zi bir monitorlarning eski modellari ham DVI porti bilan jihozlagan.

Bir vaqtning o‘zida bir necha monitorlarni ulash. Ko‘pgina videokartalarda bir necha (ikkita) chiqish portlari mavjud, shuning uchun bir vaqtning o‘zida bir nechta displeydan foydalanish imkonini beradi. Macintosh tizimlarida bunday imkoniyat bir necha yil oldin ko‘zda tutilgan edi.
Endi bu imkoniyat Windows 98/2000/XP/Vista operatsion tizimlarida mavjuddir. Windows 98 operatsion tizimi bir vaqtning o‘zida har biri turli ko‘rinishdagi ishchi stolni ifoda qiladigan to‘qqiztagacha (Windows 2000/XP da o‘ntagacha) monitor va videoadapterlardan foydalanish imkonini beradi. Windows Vista operatsion tizimida bir necha monitorni qo‘llash ish tartibi Windows XP operatsion tizimidan farq qiladi. Bu yerda hammasi qo‘llanilayotgan WDDM monitor drayveriga bog‘liqdir. Bir necha monitorni qo‘llash vaqtidagi sozlashda operatsion tizim videoxotirada virtual ishchi stolni (displeyni) yaratadi (6-rasm).
Virtual ishchi stolning turli qismlarini aks ettirish uchun bir necha monitorlardan foydalaniladi, bunda turli ilovalarning muloqat oynasi alohida monitorlarda joylashtiriladi.
6-rasm. Bitta dasturni bir necha monitorning ekranida aks ettirish uchun mo‘ljallangan Matrox DualHead2Go qurilmasidan foydalanish.
7-rasm. Videoadapterni o‘rnatish (a), adapterni mahkamlash (b).
7-rasmda tizimli plata razyomiga videoadapterni o‘rnatish (a) va uni vint bilan mahkamlash (b) ko‘rsatilgan.