Mavzu: “Vatan himoyasi – muqaddas burch”

Dars shiori: “Men – Vatan himoyachisiman!”
Darsning borishi:

O’qituvchi: Hammangizni ana shu kun munosabati bilan tabriklab, darsimizni O’zbekiston Respublikasi Davlat madhiyasi ijro etiladi.

O’qituvchi: bolajonlar, mustaqil Vatanimizda bayramlar ko’p. Ushbu bayramlar qatorida O’zbekiston Respublikasining Prezidenti Islom Karimovning 1993 yil 29 dekabrdagi “14-yanvar – Vatan himoyajilari kuni”ni belgilash to’g’risidagi qaroriga muvofiq mamlakatimizdagi ushbu kun har yili bayram sifatida nishonlanib kelinmoqda.

Bugungi kundagi Quroli Kuchlarimiz haqida qisqacha axborot berib o’tsam:

O’zbekiston Respublikasi Qurolli Kuchlari mamlakat milliy manfaatlari, suvereniteti, hududiy yaxlitligini hamda aholining tinch hayotini himoya qilish, urushlar va qurolli mojarolarni oldini olish uchun davlat tomonidan tashkil etilgan va saqlab turilgan harbiy birlashmalar, qo’shilmalar va qismlardan iborat.

Asosiy qo’shin turlari: Harbiy havo kuchlari va Havo hujumidan mudofaa qo’shinlari; maxsus va muhandislik – quruvchilik qo’shinlari; Ichki ishlar vazirligining ichki va qorovul qo’shinlari; Milliy xavfsizlik xizmatining harbiylashtirilgan qismlari va Chegara qo’shinlaridir.

O’zbekiston Respublikasi Prezidentining 1992 yil 24 martdagi Farmoniga ko’ra O’zbekiston Respublikasi Chegara qo’shinlari tuzildi. Chegara qo’shinlariga O’zbekiston Respublikasi davlat chegaralarini, uning cuverenitetini himoya qilish vazifasi qo’yilgan.

O’zbekiston Respublikasi Prezidentining 1993 yilning 22 noyabrdagi “O’zbekiston Respublikasi Qurolli Kuchlari harbiy qismining Jangovor Bayrog’i to’g’risida”gi Farmoniga ko’ra Qurolli Kuchlar Jangovor Bayrog’ining yagona namunasi belgilandi.

O’qituvchi: Bolajonlar! Mana bu so’zlarga bir e’tibor qiling. Ularning mazmunini tushuntirib bera olasizmi?
O’qituvchi doskaga Mustaqillik, Istiqlol, Vatan, Vatan himoyasi, Muqaddas, Burch kabi so’zlar yozilgan qog’ozlarni alohida – alohida osib qo’yadi. Bu so’zlarga o’quvchilar birma – bir izoh beradilar.