Mavzu: V guruh elementlari

7-tajriba.Nitrat kislota tuzlarining oksidlovchilik va qaytaruvchilik xossalari. a)kaliy yodida natriy nitritning ta’siri. Probirkaga 3-5 tomchi kaliy yodid eritmasidan solib,ustiga 2-3 tomchi 2n suyultirilgan sulfat kislotadan qo’shing.Probirkani chayqatib,unga natriy nitrit eritmasidan tomchilatib qo’shing.Yod ajralib chiqishini kuzating.Erkin yod ajralib chiqqanini aralashmaga kraxmal klestri qo’shilganda suyuqlikning ko’karishidan bilish mumkin.Reaksiya tenglamasini yozib,oksidlovchi va qaytaruvchilarni aniqlang; b)kaliy permanganatda natriy nitritning ta’siri. Probirkaga3-5 tomchi kaliy permanganat eritmasidan olib,ustiga 1-2 tomchi 2n suyultirilgan sulfat kislotasidan qo’shing.Probirkani chayqatib,unga natriy nitrit eritmasidan tomizing.Tajribadagi rang o’zgarishini kuzatib,oksidlovchi va qaytaruvchilarni aniqlang.Reaksiya tenglamasini yozing; d)kaliy dixromatga natriy nitritning ta’siri. Probirkaga 3-5 tomchi kali dixromat eritmasidan solib,ustiga (p=1,84g/sm³)konsentrlangan sulfat kislotadan 2-3 tomchi qo’shing.Probirkani chayqating.So’ngra aralashmaga natriy nitrit eritmsidan tomchilatib qo’shing.Aralashma rangining o’zgarishini kuzatib,oksidlovchi va qaytaruvchilarni aniqlang.Reaksiya tenglamasini yozing.