MavzU: Umumta’lim maktab sog’lomlashtirish tadbirlarida tibbiy pedagogik nazoratini tashkil qilish

4.1. Ta’lim berish texnologiyasining modeli
Mashg’ulot mavzusi: Umumta’lim maktab sog’lomlashtirish tadbirlarida tibbiy - pedagogik nazoratini tashkil qilish
Reja:
1. Sog’lomlashtirishning mazmuni va vazifalari.
2. Sog’lomlashtirish tadbirlarida turizmning asosiy vazifalari, sayrga tayyorlanish, turistik sayrlarni o’tkazish
3. Sog’ligi zaiflashgan o’quvchilar bilan sog’lomlashtirish mashg’ulotlarini tashkil qilish va o’tkazish.
Mashg’ulot maqsadi: O’quv fani bo’yicha umumiy tushuncha berish.
Umumta’lim maktab sog’lomlashtirish tadbirlarida tibbiy - pedagogik nazoratini tashkil qilish o’quv fan sifatida jismoniy tarbiya, jismoniy madaniyat va sport bo’yicha ma’lumotlar berish.
Sog‘lomlashtirishning mazmuni va vazifalari. 
O‘zbekiston Respublikasining “Jismoniy tarbiya va sport to‘g‘risida”gi Qonunning “Sanatoriya-kurort” muassasalarida, dam olish uylarida hamda sayyohlik ko‘nimgohlarida jismoniy tarbiya- sog‘lomlashtirish ishlari to‘g‘risidagi 20- moddasida sanatoriya-kurort muassasalari, dam olish uylari hmda sayyohlik ko‘nimgohlarining ma’muriyati dam oluvchilarning salomatligini mustahkamlash, kasalliklarning oldini olish va davolash uchun jismoniy mashqlardan, jismoniy tarbiyaning boshqa shakllaridan foydalanishlari shart deyilgan. Sanatoriya- kurort muassasalarida, o‘quvchilar dam olish lagerlarida, dam olish uylarida turimzdan, ayniqsa piyoda yurish turizm bilan shug‘ullanish muhim ahamiyatga ega.
Bizning Respublikamizning ko‘pchilik qismini tog‘li- manzarali joylar egallagan, shuning uchun ham har yili maktab o‘quvchilarimizning ko‘pchiligi yozgi ta’tillarni dam olish lagerlarida o‘tkazishadi.
O‘quvchilar dam olish lagerlarining ish rejalarida har bir smenada bitta-ikkita turistik sayohatni o‘tkazish belgilanadi, lekin ko‘pchilik lager boshliqlari buni o‘tkazishga qarshilik qiladilar (turli xov-xatardan qo‘rqishadi).
Hozirgi kunda Respublikamiz xududida 4-5 millionga yaqin kishilar turizmning piyoda yurish, toqqa chiqish, sportcha chamalab topish (sportivnoe orientirovanie), chang‘ida yurish, g‘orlarni topish, qoyalarga tirmashib chiqish, tez oqar daryolarda sol bilan yurish, velosiped, mototsikl va boshqa texnik vositalardan sayohat qilish turlari bilan shug‘ullanadilar.
Turizm xalqimizning kundalik turmushiga tobora singib eng qulay va qiziqarli tadbirladan biriga aylanmoqda.