Мавзу: туркистон мухторияти тарихига доир архив ҳужжатлари

Bitiruv malakaviy ishning nazariy-uslubiy asoslari. ushbu bitiruv malakaviy ishning nazariy asosi bo’lib tarixiylik, ilmiylik, ob’ektivlik, haqqoniylik, xolislik kabi tamoyillar xizmat qiladi. SHu bilan bir qatorda mavzu milliy istiqlol g’oyasi ruhida yoritiladi. O’zbekiston Respublikasi Birinchi Prezidenti I.Karimov asarlari, O’zbekistonning milliy istiqlol mafkurasi tadqiqotning muhim metodologik asosini tashkil etadi.
Bitiruv malakaviy ishning maqsad va vazifalari. tadqiqotimizning asosiy maqsadi Vatanimiz tarixining ajralmas va eng yorqin davri, ya’ni milliy demokratik davlatchilikka poydevor qo’yilgan davri – Turkiston Muxtoriyatining tuzilishi va uning faoliyatining hali bizga ma’lum bo’lmagan ayrim jihatlarini arxiv hujjatlari asosida kichik ilmiy-tadqiqot (bitiruv malakaviy ishi) darajasida o’rganishdan iborat. SHundan kelib chiqib, ishimizda quyidagi vazifalarni bajarishga harakat qildik:

• 
  Farg’ona viloyati aholisining Turkiston Muxtoriyatiga munosabati haqidagi hujjatlar to’g’risida ma’lumot berish;
  
• 
  Turkiston Muxtoriyati va mahalliy boshqaruv organlarining o’zaro munosabatlarini yorituvchi hujjatlar haqida ma’lumot berish;
  
• 
  Turkiston Muxtoriyatining bostirilishi va uning oqibatlari bilan bog’liq hujjatlar haqida ma’lumot berish.
  

Bitiruv malakaviy ishning xronologik doirasi, asosan, 1917 yilning aprelidan 1918 yilning fevraligacha bo’lgan davrini o’z ichiga oladi.
Manbalar tavsifi. Ishni tayyorlashda yuqorida ko’rsatib o’tilgan – Turkiston Muxtoriyati masalasiga doir bo’lgan ilmiy tadqiqotlar, asarlar va FVDA hujjatlaridan foydalanildi. Mazkur manbalarda muxtoriyat faoliyati bilan bog’liq masalalar batafsil yoritilgan.
Bitiruv malakaviy ishning ilmiy jihatdan yangiligi va amaliy ahamiyati. Mazkur ishning ilmiy-amaliy ahamiyati shundaki, Turkiston Muxtoriyati tarixi yangi ma’lumotlar va arxiv hujjatlari asosida yoritildi. Ishda keltirilgan dalil va ma’lumotlar o’sha davrda yaratilgan hujjatlarga asoslanadi. Bu ish kelgusida qilinadigan kattaroq ilmiy tadqiqotlarda asqotishi mumkin. SHuningdek, bitiruv malakaviy ishi materiallaridan o’quv yurtlari va maktablarda o’tiladigan “O’zbekiston tarixi” darslarida foydalanish mumkin.