Mavzu: Tengsizliklarni qo‘shish va ko‘paytirish. Darsning maqsadi

Mavzu: Tengsizliklarni qo‘shish va ko‘paytirish.
Darsning maqsadi: ratsional sonlar, qarama-qarshi ishoralar, manfiy va musbat sonlarni darajaga ko‘tarish, sonli tengsizliklar, sonli tengsizliklarni taqqoslash, sonli tengsizliklarning asosiy xossalari, tengsizliklarni qo‘shish va ko‘paytirish kabilar yuzasidan tushunchalar hosil qilish, o‘quvchilarning BKM larini shakllantirish, rivojlantirish va mustahkamlash

1. 
   Darsning usuli: savol-javob, misol va masalalar yechish.
   
2. 
   Darsning jihozi: DTS ko‘rgazmalari, tarqatma materiallar, kichik testlar.
   

DARSNING BORISHI:

1. 
   Tashkiliy qism: o‘quvchilar bilan salomlashish, tozalikni tekshirish, davomatni aniqlash, o‘quvchilarning dars mashg‘ulotlariga ruhiy jihatda tayyorliklarini aniqlash.
   

2. 
   O‘tilgan mavzuni so‘rab baholash:
   

Savol: tengsizlikning asosiy xossalaridan qanday maqsadlarda foydalaniladi?
Javob: tengsizliklarning asosiy xossalari teorema ko‘rinishida bo‘lib, ulardan olingan natijalar asosida tengsizliklarning boshqa xossalarini isbotlashda va boshqa ko‘plab masalalarni yechishda bevosita foydalaniladi.
Savol: agar tengsizlikning ikkala qismiga ayni bir xil son qo‘shilsa uning ishorasi qanday bo‘ladi?
Javob: agar tengsizlikning ikkala qismiga ayni bir xil son qo‘shilsa, u holda tengsizlikning ishorasi o‘zgarmaydi.
Savol: tengsizlikning bir qismidan ikkinchi qismiga qo‘shiluvchilarni olib o‘tish mumkinmi?
Javob: istalgan qo‘shiluvchini tengsizlikning bir qismidan ikkinchi qismiga shu qo‘shiluvchining ishorasini qarama-qarshisiga almashtirgan holda ko‘chirish mumkin.
Savol: agar tengsizlikning ikkala qismi ayni bir xil songa ko‘paytirilsa tengsizlikning ishorasi o‘zgaradimi?
Javob: agar tengsizlikning ikkala qismi ayni bir musbat songa ko‘paytirilsa, tengsizlikning ishorasi o‘zgarmaydi, lekin tengsizlikning ikkala qismi ayni bir manfiy songa ko‘paytirilsa, tengsizlikning ishorasi qaramq-qarshisiga o‘zgaradi.
Savol: agar tengsizlikning ikkala qismi ayni bir xil songa bo‘linsa tengsizlikning ishorasi o‘zgaradimi?
Javob: agar tengsizlikning ikkala qismi ayni bir musbat songa bo‘linsa, u holda tengsizlikning ishorasi o‘zgarmaydi, ammo tengsizlikning ikkala qismi ayni bir manfiy songa bo‘linsa, u holda tengsizlikning ishorasi qarama-qarshisiga o‘zgaradi.

3.