Mavzu: Temuriylar saltanatining inqirozga yuz tutishi

Sulton Husayn va Alisher Navoiy Sulton Husayn Boyqaro Amudaryoning janubidagi yerlarga hukmron bo`lib, u o`z tasarrufida Xuroson, Xorazm hamda Sharqiy va Shimoliy Eron viloyatlarini birlashtirgan.Xurosonning obod etilishida, ravnaq topishida zamonasining tadbirkor va dono hukmdori Sulton Husayn bilan bir qatorda buyuk adib va davlat arbobi Alisher Navoiyning ham xizmati nihoyatda katta bo`ldi. Uning otabobosi temuriylar saroyida xizmat qilgan. Sulton Husayn bilan Alisher bir maktabda o`qiganlar. Ular bolalik chog`laridayoq Xuroson hukmdori Abulqosim Bobur xizmatida bo`lganlar. Uning vafotidan so`ng 12 yil davomida boshqa-boshqa shaharlarda yashaganlar.