Mavzu: tabiiy resurslardan oqilona foydalanish. Reja

MAVZU: TABIIY RESURSLARDAN OQILONA FOYDALANISH.

REJA:

1.O‘zbekiston tabiiy resurslarining holati.

2.Tabiiy resurslar klassifikatsiyasi

3.Tabiatni muhofaza qilishning aspektlari.

Tabiiy resurs deganda insonning hayoti, xo‘jalik faoliyati uchun kerak bo‘lgan barcha tabiiy jismlar, hodisalar, jarayonlar tushuniladi. Xilma-xil tabiiy resurslar jamiyat mavjudligining asosiy manbalari hisoblanadi. «Yer» deb nomlangan kosmik kemada barcha zarur sharoitlar va fazogirlar uchun hamma kerakli mahsulotlar muhayyodir.

Tabiiy resurslar tugaydigan va tugamaydigan guruhlarga ajratiladi. Tugaydigan va tiklanmaydigan resurslarga qazilma boyliklar kiradi. O‘simlik va hayvonlar, tuproq, suv va ayrim mineral resurslar tugaydigan, tiklanadigan resurslar hisoblanadi. quyosh radiatsiyasi, Dunyo okeani suvlari va Atmosfera havosi tugamaydigan resurslardir. Lekin okean suvlari va Atmosfera havosi sifat jihatidan «tugaydigan» xususiyatga ega.

Yer ostidan qazib olinadigan va jahon iqtisodiyoti tomonidan o‘zlashtiriladigan biomassa va materiallar yiliga 120 mlrd. tonnadan ortiqni tashkil qiladi va uning faqat 7,5%idan ishlab chiqarish jarayonida zarur mahsulotlar olinadi va katta qismi chiqindi holida atrof muhitga tashlanadi.

Hozirgi vaqtda Yer yuzi aholisi uchun kuniga 2 mln. tonna oziq-ovqat, 10 mln. m³ ichimlik suvi, nafas olish uchun 2 mlrd.m³ kislorod zarur bo‘ladi.