Mavzu: strategiyani amalga oshirish: kompetentlik, qayta tashkil etish va struktura

Geografik tashkiliy struktura har xil regionlarda turlicha strategiyani yurituvchi tashkilotlarga mos keladi.
Tashkiliy strukturalarning geografik shakllari. Geografik hududlarni e’tiborga olib, tashkiliy strukturani yaratish – bu har xil geografik bozorlarda va katta territoriyalarda faoliyat ko‘rsatuvchi odatdagi strukturani yaratish demakdir.
Quyidagi geografik struktura o‘ziga xos ustunliklarga va kamchiliklarga ega, u yuqori darajada unumdorlikka egaligi tufayli keng tarqalgandir. Xususiy sektorda ushbu strukturadan qurilish kompaniyalari, chakana savdo firmalari, elektr energiyasi kompaniyalari, restoranlar tarmog‘i va sut mahsulotlarini ishlab chiqaruvchi kompaniyalar foydalanadilar.

Strategik ustunligi	Strategik kamchiliklari
Strategiyani har bir geografik bozorga moslashtirish imkonini beradi. Foyda va zarar uchun javobgarlikni eng quyi pog‘onaga berish mumkin. Maqsadli bozorda funksional moslashuvni yaxshilaydi. Lokal operatsiyalardan tejamkorligi bilan bog‘liq foydani kerakli joyga yo‘naltirish imkonini beradi. Territorial birliklar bosh menejerlar uchun yaxshi o‘quv tajriba maydoni bo‘ladi.	Territorial unifikatsiya va turli-tumanlik nisbatida bosh ma’muriy idora uchun muammo tug‘diradi. Territorial strategik erkinlik bosh kompaniya imiji uchun muammolar tug‘diradi. Geografik tashkiliy birliklar uchun yana bir boshqaruv pog‘onasi paydo bo‘ladi. Shtab funksiyalarini geografik birliklarda takrorlanishi xarajatlar o‘sishiga olib keladi.

Rasm 9.3. Geografik tashkiliy struktura.