Mavzu: soliq hisobotlarni topshirish reja

V. Hisobotlardan foydalanish tartibi

Hisobotlarni qabul qilish bo‘linmasi va soliq idorasining boshqa bo‘linmalari mas’ul xodimlari (hisobotlardan foydalanuvchilar), soliq to‘lovchilarning topshirgan hisobotlardan foydalanishni (ma’lumotlarni ko‘chirib yozish, hisobot shakllaridan, soliq hisob-kitoblaridan nusxalar olish) faqat maxsus ajratilgan xonadan amalga oshirishlari mumkin va shunda xonadan tashqarisiga olib chiqib ketish huquqiga ega emaslar. Hisobotdan foydalanuvchiga soliq to‘lovchining buxgaltyerlik hisoboti yoki hisobotlarning ayrim shakllari zarur bo‘lib qolgan taqdirda hisobotdan foydalanuvchi zarur hujjatlarning nusxalarini olishga haqlidir. Hisobotdan foydalanuvchilarni va ular tomonidan olingan ayrim hisobot shakllarini ro‘yxatga olish uchun 3-ilovada ko‘rsatilgan, raqamlangan, tikilgan va muhr bilan tasdiqlangan hisobotlardan foydalanuvchilarni ro‘yxatga olish jurnali yuritilishi zarur. Hisobotlardan foydalanuvchilarga hisobotlar o‘rnatilgan tartibda faqatgina soliq organlarining boshliqlari va ularning o‘rinbosarlarini yozma ravishdagi ko‘rsatmasiga asosan byerilishi zarur.

VI. Hisobotlarni qabul qilishda davlat soliq organlari xodimlarining va hisobotlardan foydalanuvchilarning javobgarligi

Soliq to‘lovchilardan hisobotlarni qabul qiluvchi bo‘linma xodimlari: hisobotlarning saqlanishi va undagi ma’lumotlari sir saqlanishini ta’minlash uchun; amaldagi qonunchilik bilan belgilangan moliyaviy va soliq hisobotlardan tashqari soliq to‘lovchilardan qo‘shimcha ravishda har qanday ma’lumotlar, ma’lumotnoma va hujjatlarni talab qilganlik uchun; ushbu Nizomning 13-bandida ko‘rsatilgan savollar bo‘yicha olib borilgan tekshiruvning sifatsiz amalga oshirilganlik uchun O‘zbekiston Respublikasining amaldagi qonunchiligiga muvofiq javobgardirlar. Hisobotlardan foydalanuvchilar soliq to‘lovchilarning hisobotlardagi ma’lumotlarining sir saqlanishi uchun qonunda belgilangan tartibda javobgardirlar.