Мавзу: Қўшилган қиймат солиғи ҳисоби ва ҳисоботи Режа: Қўшилган қиймат солиғини тўловчилар

9. Божхона юк декларациясида қўшилган қиймат солиғини акс эттириш тартиби

Қўшилган қиймат солиғи (ҚҚС)ни ҳисоблаб чиқишда божхона юк декларацияси (БЮД)нинг 47-устуни қуйидаги тартибда тўлдирилади:

"Тури" кичик устунида "29" - ҚҚС коди кўрсатилади;
"Ҳисоблаб ёзиш асоси" кичик устунига солиқ қонунчилигига мувофиқ ҳисоблаб чиқарилган, солиқ солинадиган оборот суммасидаги миқдор қайд этилади;
"Ставка" кичик устунида ҚҚС ставкаси ҳажми кўрсатилади;
"Сумма" кичик устунида ҳисоблаб чиқарилган ва тўланадиган ҚҚС суммаси кўрсатилади;
"ТУ" кичик устунида тўлов усулининг икки белгили ҳарфий коди кўрсатилади:
"бн" - банк орқали нақдсиз ҳисоб-китоб;
"кт" - божхона тўловлари суммасини нақд пулда тўлаш;
"оп" - божхона тўловларини тўлаш кечиктирилди;
"рп" - божхона тўловларини бўлиб-бўлиб тўлаш ҳуқуқи тақдим этилди;
"оо" - тўлов амалга оширилмаслиги керак.
"Ҳисоб-китоб қилиш тафсилотлари" деган В устунида тўлов коди, тўловнинг умумий суммаси, шунингдек ҚҚС тўланганини тасдиқлайдиган тўлов ҳужжатларининг рақамлари ва санаси кўрсатилади.
БЮДнинг "Тўловларни кечиктириш" деган 48 ва "Преференция" деган 36-устунлари Ўзбекистон Республикаси Давлат божхона қўмитаси 1999 йил 24 сентябрда тасдиқлаган Божхона юк декларациясини тўлдириш тартиби тўғрисида йўриқномага (рўйхат рақами 834, 3 ноябрь 1999 йил) мувофиқ тўлдирилади.

Хулоса.

Хулоса қилиб шуни айтиш мумкинки, мамлакат иқтисодий тараққиётининг тадрижий ривожланиш жараёнларида солиқ солиш тартиби ва солиқ муносабатлари узлуксиз равишда ўзининг такомиллашиш тавсифига эга бўлган. Солиқ муносабатлари тизимини бугунги солиқ ислоҳатлари талаблари даражасида янада самаралироқ ташкил этиш ва амалга ошириш, солиқ субъектлари томонидан ундаги айрим элементлар механизмини мақбул тартиблар асосида қабул қилиш заруриятини кўрсатади.

Солиқ муносабатларидаги муҳим солиқ солиш элементлари механизмидан бири, бу қўшилган қиймат солиғига тортиш механизмидир. Қўшилган қиймат солиғига тортиш механизмининг самарали фаолият кўрсатиши учун солиқ субъектларининг солиқ қонунчилиги тартибларига тўлиқ риоя қилган ҳолда фаолият кўрсатишларини талаб этади.