Mavzu: shaxsiy himoya vositalari bilan tanishish

Filtrlovchi quti asosan tashqi muhitdagi turli xil zaharli birikmalarni yutuvchi filtr va shixtadan tashkil topgan.
Niqob - tibbiiy yoki sun’iy kauchuk asosida olingan rezina materiallaridan tayyorlanib, unga ko’rish uchun oynak hamda nafas olish va chiqarish uchun mo’ljallangan jihoz joylashtirilgan. Boshqa rusumdagi gazniqoblar ham xuddi GP-5 rusumli gazniqobga o’xshash tuzilishga ega. PDF-D 1,5 - 7 yoshgacha bolalar uchun. PDF-Sh markali gazniqob 7-17 yoshlardagi bolalar uchun muljallangan;
Gazniqoblarning saqlash darajasini oshirish uchun har bir fuqaro o’z o’lchamini kiyish orqali erishadi, chunki to’g’ri tanlangan shlem-niqob yuzga zich yopishib turadi va tashqaridan hech qanday zararli ta’sir qilmaydi.
Gazniqoblarning o’lchami 2 xil usulda aniqlanadi:
a) yuzaning o’lchamini aniqlash orqali ;
b) daxan bilan qosh suyagi orasidagi masofani o’lchash orqali;
Birinchi usul bilan 63 sm gacha 0-o’lcham; 63,5-65,5 sm.gacha 1-o’lcham; 66-68 sm.gacha 2-o’lcham; 68,5-70,5 sm 3-o’lcham; 71sm. va undan katta 4-o’lcham aniqlanadi.
Ikkinchi uslub bilan 3 xil o’lchamda gazniqoblar ishlab chiqariladi.
1-o’lcham - 99-109 mm gacha;
2-o’lcham - 109-119 mm;
3-o’lcham – 119 mm dan katta.
Bolalar gazniqobi o’lchamini topishda ularning yuz balandligini o’lchab, so’ngra quyidagi jadvaldan foydalanib, gazniqob o’lchovi aniqlanadi.

O’lchov nomi	Niqob o’lchami
	1	2	3	4
Yuz balandligi, mm	72 mm gacha	72-87	88-95	69-103

Gazniqobni ishlatishdan oldin har bir fuqaro uni saqlash xususiyati buzilmaganligini tekshirib ko’rish, uning germetikligini qayta tekshirishl ozim. Tekshirilgan ish holatidagi gazniqoblar yaxshilab taxlanib qaytadan sumkaga solinadi va saqlash uchun joyiga quyiladi.
Gazniqobdan foydalanish umumiy tartibda «Gazlar» degan komanda berilganda yoki atmosferada radioaktiv birikmalar, zaxarli moddalar, biologik ta’sir tarqalganda mustaqil ravishda kiyib olinadi. Filtrlovchi sanoat gazniqoblari ham bir necha rusumda bo’lib, ular asosan turli sanoat va qishloq xo’jaligi tarmoqlarida kuzatiladigan favqulodda vaziyatlarda ishlatiladi.
Izolyasiyalovchi gazniqoblar asosan turli xil zaharli birikmalar aralashmasi bo’lganda, ularning konsentrasiyasi yuqori hamda atmosferada kislorod miqdori juda kichik hollarda ishlatiladi.
Bundan tashqari, izolyasiyalovchi gazniqoblar suv va yer ostida bajariladigan ishlarda ham foydalaniladi. Izolyasiyalovchi gazniqoblar saqlash xususiyatiga ko’ra 2 guruhga: kislorod bilan kimyoviy bog’langan gazniqob (IP-4, IP-5) va siqilgan kislorod yoki havo bilan foydalaniladigan gazniqob (KIP-7, KIP-8) larga bo’linadi.
Izolyasiyalovchi gazniqoblar bilan asosan, fuqaro muxofazasining qutqaruv va avariyani tiklovchi tizimlari ta’minlanadi (suvga cho’kkan odamlarni, yong’inda qolgan fuqarolarni qutqaruvchilar, radioaktiv chang tarqalgan va yuqori konsentrasiyali zaharli moddalar bo’lgan joylardagi avariyani tiklovchi va boshqa tizimlar).