Мавзу: Шахс диққатини бошқаришнинг психологик механизмлари кириш. 1-боб. Коллеж ўҚувчилари диқҚати хусусиятлари

Битирув малакавий ишнинг мақсади – касб-ҳунар коллежлари ўқувчилари диққатини бошқаришнинг психологик механизмлари ҳамда уларни диагностика ва коррекция қилиш усулларини тадқиқ этишдан иборат.
Битирув малакавий ишнинг предмети – касб-ҳунар коллежлари ўқувчилари диққатини бошқаришнинг психологик механизмлари диагностикаси ва коррекцияси жараёнидир.
Битирув малакавий ишнинг объекти – касб-ҳунар коллежи ўқувчилари.
Битирув малакавий ишнинг фарази:
- Касб-ҳунар коллежлари ўқувчиларининг диққати хусусиятларининг етарли даражада шаклланмаганлиги ўқув фаолиятининг сусайиши, билимларни ўзлаштиришнинг кескин пасайишига сабаб бўлиши мумкин.
- Диққат хусусиятлари кучсиз шаклланган коллеж ўқквчилари билан психокоррекцион тадбирларни амалга ошириш бу каби муаммоларни зудлик билан бартараф этиш имконини бериши, эҳтимол.
Битирув малакавий ишнинг вазифалари.
1. Мавзуга оид адабиётларни тўплаш, таҳлил қилиш ва тизимлаштириш.
2. Диққат муаммосининг психологияда ўрганилганлигини назарий жиҳатдан ўраниш.
3. Коллеж ўқувчилари диққати хусусиятлари тўғрисида назарий ва амалий маълумотларни ўрганиш.
4. Тадқиқот гуруҳидаги ўқувчилар билан психодиагностик ва психокоррекцион тадбирлар олиб бориш.
5. Тадқиқот ишлари юзасидан амалий тавсиялар ишлаб чиқиш.
Битирув малакавий ишнинг илмий янгилиги: Касб-ҳунар коллежи ўқувчиларининг диққат хусусиятлари таълим фаолияти самарадорлигига таъсир этувчи омил сифатида ўрганилди. Коллеж ўқувчиларида диққат хусусиятлари диагностикаси ва психокоррекцияси амалга оширилди.
Битирув малакавий ишнинг назарий ва амалий аҳамияти.
Тадқиқот натижаларидан амалий психологлар, касб-ҳунар коллежи ўқитувчилари, психологик-консультатив марказлар мутахассислари фаолиятида фойдаланиш мумкин.
Битирув малакавий ишнинг методлари.
Тадқиқотимизда суҳбат интервью, кузатиш орқали коллеж ўқувчилари диққати хусусиятлари тўғрисида маълумотлар тўпланди.
Касб-ҳунар коллежи ўқувчиларининг диққат хусусиятларини диагностика қилиш учун “Диққатнинг тўпланиши ва йўналганлигини текшириш” методикасидан фойдаланилди.