Mavzu: Servis xizmatiga oid mavzularini pedagogik texnologiyalar asosida o‘qitish orqali dars samaradorligini oshirish Mundarija

Xulosa
Foydalanilgan adabiyotlar ro’yhati

Kirish.
Tadqiqot mavzusining dolzarbligi: Bugungi zamonaviy ta’lim tizimining asosiy unsurlaridan biri bu, shubxasiz, yangicha, ya’ni innovatsion pedagogik texnologiyalardir. Ushbu pedagogik texnologiyalar orqali dars jarayonlarining olib borilishi yoki tashkil etilishi o‘quvchilarning ham erkin, ham yangicha fikrlashlariga katta yo‘l ochib berish uchun xizmat qiladi. “Ta‘lim to‘g‘risida”gi va “Kadrlar tayyorlash milliy dasturi to‘g‘risida”gi O‘zbekiston Respublikasi qonunlarida pedagogik texnologiyalarni joriy qilish va o‘zlashtirish zarurligi ko‘p karra takrorlanadi. Hozirgi kunda pedagogik adabiyot, ta‘lim muammolariga oid ma‘ruzalar, rasmiy hujjatlarda “Yangi pedagogik texnologiya”, “Ilg‘or pedagogik texnologiya”, “Zamonaviy pedagogik texnologiya” iboralari keng qo‘llanilmoqda. Ammo “Pedagogik texnologiya” tushunchasi hali ham bir qolipga tushirilmagan, qomuslarda izohlanganicha yo‘q, uning mazmunini yagona talqini ishlab chiqilmagan va shuning uchun iboraning bir-biridan farqlanuvchi ko‘pgina ta‘riflari mavjud. Bularning orasida e‘tiborga loyiqrog‘i YUNESKO ta‘rifidir: “Pedagogik texnologiya – bu ta‟lim shakllarini optimallashtirish masalasini qo‘yuvchi, texnik va insoniy imkoniyatlarni va ularning o‘zaro munosabatlarini hisobga olib o‘qitish va bilimlarni o‘zlashtirish butun jarayonini yaratish, qo‘llash va belgilashga sistemali yondashishidir”. “Texnologiya” fani insonlar hayotida muhim o‘rin tutuvchi amaliy mehnat faoliyatiga tayyorgarlik ko‘rishga yordam beruvchi muhim ma‘lumotlarni o‘z ichiga oladi. O‘quvchilar voyaga yetib qaysi kasbni egallashmasin, kim bo‘lmasin, texnologiya fanidan olgan bilim va ko‘nikmalarini uyda, oilada, ish faoliyatida albatta foydalanadi. Ijodkorlik – bu yangi g‘oyaga asoslangan moddiy va ma‘naviy boyliklarni yaratishdir. Ijodiy faoliyat tufayli insoniyat madaniyati rivojlanib, taraqqiy etib, hayotimiz yanada qulay va qiziqarli bo‘lib bormoqda. Servis xizmati fanini o‘qitishda innovatsion ta’lim texnologiyalardan foydalanish o‘quvchilarda birgalikda o‘zaro do‘stlik bilan faoliyat yuritishga, dasturda berilgan malumotlarni to‘liq va mustaqil o‘rganishga, fanga qiziqish uyg‘onishishiga yordam beradi.