Mavzu: Savdo belgisining mazmuni va mohiyati

MAVZU: Savdo belgisining mazmuni va mohiyati

REJA:
Kirish

1. 
   Savdo belgisining mazmuni va mohiyati.
   
2. 
   Zamonaviy bozorda savdo belgisining o’rni. 
   
3. 
   СoCa CoLa kompaniyasining faoliyati tahlili.
   
4. 
   CoCa CoLa kompaniyasi faoliyatining rivojlanishi.
   
5. 
   Foydalannilgan adabiyotlar ro’yxati.
   

Xulosa va takliflar.
Ilovalar.

KIRISH

Mamlakatimizning ijtimoiy yo’naltirilgan bozor iqtisodiyotiga bosqichma – bosqich o’tishga asoslangan hozirgi siyosati, korxonalar va tashkilotlar faoliyatini samarali tashkil qilish va korxonalardagi iqtisodiy munosabatlarni bozor iqtisodiyoti talablariga moslashtirish zaruriyatini keltirib chiqaradi. Har bir korxona raqobatda kutilmagan tadbirlarni amalga oshirish natijasida biznes sohasida yangi rivojlanish yo’llari ortib bormoqda. Iste’molchilar va mahsulot yetkazib beruvchilar orasidagi munosabatlarni bozor tamoyillari orasida tartibga solishning bugungi bosqichida tovar ishlab chiqaruvchilarning ishlab chiqarish, sotish strategiyasini takomillashtirish, shuningdek brending siyosatini ishlab chiqish maqsadga muvofiqdir.Mamlakatimiz Prezidenti Shavkat Mirziyoev 7-fevral kungi Farmoni bilan 2017-2021-yillarda O’zbekistonni rivojlantirishning beshta ustuvor yo’nalishi bo’yichaHarakatlar strategiyasini tasdiqladi. Avvalo, ushbu ustuvor yo’nalishlar va ulardagi amalga oshirilishi nazarda tutilgan vazifalar hamda chora-tadbirlarning ijrosi bugungi kunning hayotiy va ijtimoiy zarurati ekanligini ta‘kidlash lozim. Shu jumladan milliy iqtisodiyotning mutanosibligi va barqarorligini ta‘minlash, uning tarkibida sanoat,xizmatlar ko’rsatish sohasi, kichik biznes va xususiy tadbirkorlik ulushini ko’paytirish, xizmatlar ko’rsatish sohasini jadal rivojlantirish, yalpi ichki mahsulotni shakllantirishda xizmatlarning o’rni va ulushini oshirish, ko’rsatilayotgan xizmatlar tarkibini, eng avvalo,xizmatlarning zamonaviy yuqori texnologik turlari hisobiga tubdan o’zgartirish zarurdir.
Mavzuning dolzarbligi. Hozirgi globallashuv jarayonlar tezlashgan vaqtda milliy iqtisodiyotni raqobatbardoshligini ta’minlashdagi asosiy yo’nalishlarni belgilab olish zarur.O’zbekistonni birinchi Prezidenti I.A.Karimov ta’kidlaganidek, milliy iqtisodiyot raqobatbardoshligini ta’minlash uchun bugundan boshlab inqirozdan keyingi davrdagi rivojlanish haqida o‘ylashimiz, yurtimizni yangi marralarga olib chiqishga kuchli turtki beradigan,jahon bozorida mamlakatimiz raqobatbardoshligini ta’minlay oladigan, milliy iqtisodiyotimizning ustuvor tarmoqlarini texnik yangilash va modernizatsiya qilish bo‘yicha puxta ishlangan,uzoqqa mo‘ljallangan maqsadli dasturlarni ishlab chiqishimiz lozim. Shunga ko’ra, jahon bozorlaridagi beqarorlik sharoitida mamlakatimizni barqaror rivojlantirish vazifasini hal etishda iqtisodiyotning raqobatdoshligini ta’minlash masalasi ustuvor ahamiyat kasb etadi.Ma’lumki, iqtisodiyotning raqobatbardoshligi turli shakl va darajalarda namoyon bo’ladi.Bugungi kunda barqaror rivojlanishga erishish va milliy iqtisodiyot raqobatbardoshligini oshirish ilg’or innovatsion iqtisodiyotga ega bo’lishni talab etadi.Birinchi Prezindentimiz I.A.Karimov tashabbuslari bilan ishlab chiqilgan va uzoq muddatga mo‘ljallangan milliy iqtisodiyotimizning raqobatbardoshligini oshirishning innovatsiya dasturi kuch-imkoniyatlar va resurslarni ishga solishda muhim omil bo‘lib xizmat qilmoqda.