Mavzu: Ruhiy rivojlanishi sustlashgan bolalar idrokjarayonlarini rivojlantirish

II-BOB. RUHIY RIVOJLANISHI SUSTLASHGAN KICHIK MAKTAB YOSHDAGI O`QUVCHILARNING SEZGI VA IDROKINI O’ZIGA XOS XUSUSIYATLARI.
2.1. Ruhiy rivojlanishi sustlashgan bolalarning sezgi va idrokini tekshirish metodikasi.
Biz kichik maktab yoshidagi Ruhiy rivojlanishi sustlashgan bolalar sezgi va IDROKINI qay darajada ekanligini o’rganishni o’z oldimimzga maqsad qilib qo’ydik.
Qo’yilgan maqsadga erishish uchun Navoiy shahridagi 16-son ixtisoslashtirilgan maktabgacha ta’lim muassasasida kuzatuvchi eksperementni o’tkazdik.
Bolalarni tekshirish o’tkazish alohida xonada, tinch sharoitda, yakka tartibda olib boriladi.
Bolalarning javoblari bayonnomaga o’zgartirilmagan holda yozib borildi. Har bir vazifani bajarishda predmetli rasmlardan foydalanildi. Sezgi va IDROKINI tekshirishda quyidagi topshiriqlar berildi:
Sezgi va idrokini tekshirish
a) o’rganilayotgan tovushning so’zdagi o’rnini aniqlash (1-ilovaga qarang):
so’zning boshida -" raketa"
so’zning o’rtasida - "arra"
so’zning oxirida - "sigir
b) so’zda tovushning ketma-ketligini aniqlash: (Gul, bog’, barg, kitob, sham) "gul" so’zida "u" unlisidan keyin qaysi tovush kelgan? Va hakazo. (2-ilovaga qarang):
v) rasmlar yordamida, so’zlarni nomlamay "r" va "l" tovushlari ishtirok etgan narsalar rasmini ajratish vazifasini bajarish.
Oldingda rasmlar turibdi. Rasmlar ichida "r" va "l" tovushlari ishtirok etgan narsalar rasmi tasvirlangan. Diqqat bilan ko’rib, "r" ishtirok etgan rasmlarni o’ngga, "l" tovushi ishtirok etgan rasmlarni chapga ajratib ber". (olma, stul, fil, xo’roz, lavlagi, palto, limon, qo’lqop, daraxt, tort, pomidor, shar) (3-ilovaga qarang):
g) tekshirilayotgan tovush ishtirokida so’z top. Masalan, "r" tovushi qatnashgan so’z top.
Baholash mezoni:
3 ball - bola barcha berilgan vazifalarni to’g’ri bajardi.
2 ball - berilgan vazifalarni xatolar bilan bajardi.
1 ball - berilgan vazifalarni eksperimentator yordamida bajardi.
0 ball - berilgan vazifalarni bajarishdan voz kechdi