Mavzu: Qorilar maktabi loyihasi

Azhari Sharifda taʼlim olmoqchi boʻlganlarga:

13 yoshdan kattalar uchun Azhari Sharifda magistraturagacha boʻlgan taʼlim jarayoni quyidagicha bosqichlarda boʻladi:

1. Dirosayi xossa - tayyorlov kursi 1 yil, yiqilsangiz ikki yil, sakrab oʻtib yuqori kursga tushsangiz 40 kungacha qisqarishi mumkin.

2. Eʼdodiy (oʻrta taʼlim) - 3 yil.

3. Sanaviy (oʻrta maxsus, yaʼni kollej) - 3yil.

4. Kulliya - bakalavr 4 yil

5. Magistratura - 2 yil.

Bolalar uchun Azharning ikki xil taʼlim yoʻnalishi bor. 

1. Ilmiy

2. Adabiy.

Ilmiy yoʻnalishda Azhar maktablari bolaning ustida haqiqatda juda yaxshi ishlaydi. Ingliz tili, matematika, Qurʼon, Hadis, fizika va shunga oʻxshash fanlarni pishiq oʻrgatadi. Ilmiy maktablar pullik. Bir yilga taxminan 1300 $ dan 1600 $ gacha.

Adabiy maktablarda esa bolaga asosan diniy taʼlim beriladi. Bu turdagi taʼlim mutloq bepul.

Yuqorida sanab oʻtilgan eʼdodiy va sanaviylarda adabiy yoʻnalishda taʼlim beriladi. Eʼdodiy va sanaviy bosqichlarida Qurʼon, tafsir, hadis, aqida, fiqh, nahv, sarf, balogʻa, arabcha mutoala, siyrat, mantiq kabi diniy ilmlar bilan bir qatorda dunyoviy fizika, matematika, kimyo, tarix, geografiya kabi darslar beriladi.