Mavzu: Qobiliyat va kasb. Reja

Kasblarni guruhlarga ajratishning o‘ziga xosligi. Ta’lim tizimida faoliyat ko‘rsatayotgan amaliyotchi psixologlar ishida o‘quvchilarda qanday kasblarga moyilliklar mavjudligini aniqlash, ularni kasb-hunarga to‘g‘ri yo‘llash, ular bilan kasb-hunarga oid masalalarda maslahat ishlari olib borish kabi masalalar muhimdir. Inson shaxsi rivojlanishining shu bosqichida to‘g‘ri yo‘lni tanlay olishi, uning kelgusi hayoti uchun hal qiluvchi ahamiyatga ega. E.A.Klimov tomonidan taklif etilgan “Differensial-diagnostik so‘rovnoma” (DDS) aynan psixologik amaliyotda keng qo‘llanilib, o‘zining samaradorligini, foydalanish uchun qulayligi bilan xarakterlanib kelayotgan metodikalardir.

Bu metodika yordamida sinaluvchining faoliyatni u yoki bu turidan qaysi birini ko‘proq ma’qul ko‘rishligi va shunga mos ravishda qaysi kasbga moyilligi aniqlanadi. Undan mehnat ta’limining boshlanish bosqichlarida, ya’ni hali kasbni o‘zlashtirish mumkin bo‘lgan vaqtda foydalanish va uning natijalariga asoslangan holda o‘quvchiga to‘g‘ri maslahatlar berib uni o‘zining individual-psixologik xususiyatlariga ko‘proq mos keladigan kasb-hunarga yo‘llash maqsadga muvofiq bo‘ladi.