Mavzu: Qishloq xo’jaligida ishlab chiqarish, moliyaviy va mulkiy munosabatlar

Qishloq xo’jaligi iqtisodiyotida mulkiy munosabatlarning o’ziga xos xususiyatlari.

Qishloq xo’jaligi iqtisodiyotida agrar munosabatlarning o’ziga xos xususiyatlari. Agrar sohaning bir qator o’ziga xos xususiyatlari mavjud.

Iqtisodiyoti rivojlangan davlatlarda qishloq xo’jalik ishlab chiqarishi asosan fermer xo’jaliklari tomonidan amalga oshiriladi. Ular yetarlicha yirik korxonalar bo’lishlari ham mumkin, ammo, odatda sohani monopollashtira olmaydilar. Boshqacha qilib aytganda, nisbatan kichik qishloq xo’jalik ishlab chiqaruvchilari, bozorga ta’sir etishi mumkin bo’lgan qandaydir guruhlarni tashkil eta olmaydilar, ayrim fermer xo’jaliklari esa bozor narxlariga ta’sir etuvchi darajadagi ishlab chiqarish hajmlariga umuman yeta olmaydilar. Qishloq xo’jalik mahsulotlari bozorida sotuvchilar ko’pligi sababli, ularning hyech qaysisi narxga ta’sir etishi mumkin bo’lgan hajmdagi mahsulotni taklif eta olmaydi. Agrar sohada mukammal raqobatning asosiy ikkita shartiga rioya qilinadi: