Mavzu: Qadimgi suv inshootlari va ilm-fan taraqqiyoti Reja: I. Kirish: Kurs ishining dolzarbligi va ahamiyati II. Asosiy qism: Suv inshootlariga umumiy ta`rif va tasnifi

Mavzu:Qadimgi suv inshootlari va ilm-fan taraqqiyoti
Reja:
I.Kirish:Kurs ishining dolzarbligi va ahamiyati
II.Asosiy qism:
1.Suv inshootlariga umumiy ta`rif va tasnifi
2.O`rta Osiyo xalqalarida sug`orma dehqonchilik shakllanishi va suv inshootlaring o`rni
3.Inson rivojlanishida ilm-fanning o`rni
III.Xulosa
IV.Foydalanilgan adabiyoti


I.Kirish:Kurs ishining dolzarbligi va ahamiyati
Yer yuzida aholining tabiiy o’sish darajasi ko’tarilib, suvdan to’g’ri foydalanish ko’rsatgichlari pasayib bormoqda. Demak,suv iste’moli sur’ati uning me’yoriy (miqdori, sifati, harorati) ko’rsatgichlariga teskari proparsional ravishda rivojlanmoqda. Xuddi shunday yoki shunga o’xshash holatlar respublikamiz, xususan biz tadqiq etayotgan Samarqand viloyati misolida ham yaqqol ko’zga tashlanadi. Ushbu muammo davlat ahamiyatiga ega bo’lgan masalalaridan biri bo’lib, uning yechimiga doir ayrim ko’rsatmalarni, masalan aholini chuchuk ichimlik suv bilan ta’minlash masalasini respublikamiz prezidenti, muhtaram Karimov Islom Abdug’aniyevich o’z asarlarida keng yoritib bergan.
“Aslida chuchuk suv tanqisligi o’lkamizda azaliy muammo. Shu sababli ham merosimizda qadimgi ajdodlarimizdan qolgan ulkan boylik – suv uchun kurash tajribasi to’planib qolgan.Ammo chuchuk suv zahiralarining sifati tobora buzilib boroyatganligi kabi, ushbu qadriyatlarimiz ham shunchalar unitila bormoqda. Ularni ilmiy o’rganish darajasi yuqori emas, shu boisdan ham ichimlik suv manbalarini barpo etish, zaxiraga to’plash, yo’naltirish, tejamli foydalanish umuman suvdan foydalanish madaniyatini takomillashtirish borasida qadimgi yutuqlarimizni tiklash va hayotga tadbiq etish bilan birgalikda kelgusi avlodni ham ushbu tajribalardan bahramand etish vaqti allaqachon kirib keldi.
Xalqimizning turli xil suv inshootlarini qurish va hayotga tadbiq etish borasida tajribasi boy. Ularning namunalari bo’lgan qadimgi gidrotexnik inshootlarni nafaqat asori-atiqa sifatida saqlanib qolish, balki yangilarni yaratish, ularni davr talabiga mos ravishda zamonaviylashtirish zarurdir” Tabiat bilan inson bir butundir.Inson o`zining evolyutsiyasida o`zini anglash va mehnati bilan hozirgi qiyofasi va sharoitiga ega bo`ldi.
Mamlakatimizning iqtisodiy yuksalishi suv xo'jaligi va meliorat- siyaning bundan keyingi rivojlanishni bilan chambarchas bog'liqdir. Shu boisdan Respublikamizda yer-suv resurslaridan oqilona foydalanish, gidrotexnika inshootlarini ishlatishni to'g'ri yo'lga quyish hamda yirik gidromeliorativ inshootlar xavfsizligini ta’minlash, sug'oriladigan yerlar unumdorligini oshirish, ularning sho'rlanish va botqoqlanishiga, sug'orish suvini suv manbayidan dalalargacha yetkazib beruvchi sug'orish tarmoqlarida hamda sug'orish jarayonida suvning behuda isrof bo'lishiga yo'l qo'ymaslik kabi muammolarga jiddiy e’tibor qaratilmoqda. Keyingi yillarda qabul qilingan bir qator «Suv va suvdan foydalanish to'g'risida», «Yer kodeksi», «Qishloq xo'jaligi kooperativi (shirkat xo'jaligi) to'g'risida», «Dehqon xo'jaligi to'g'risida», «Fermer xo'jaligi to'g'risida», «Gidrotexnika inshootlarining xavfsizligi to'g'risida» kabi qator qonun hujjatlari fikrimizning yorqin dalilidir.