Mavzu: Psixologik salomatlikni mustahkamlash uchun trening

«Davolovchi xotira»
(kuzatuv texnikasi)
Ushbu mashqning maqsadi: ijobiy emotsiyalar faollashuvi, ichki resurslarni tiklash, ijobiy tafakkur darajasiga olib chiqish uchun tushkunlik holatidan olib chiqish.
Bajarish vaqti: 5 daqiqa.
Muolaja: qulayroq о‘tirib yoki yotib oling. Chuqur nafas olib, uni 10 soniya ushlab turing. Shundan sо‘ng nafasingizni bir tekisda chiqaring. Mashqni uch marotaba qaytaring. Va yana odatdagiday nafas oling. Har safar nafas olganingizda tanangiz va ongingiz bо‘shashayotganini his qilasiz…
О‘tmishda siz bilan bog‘liq bir qancha yoqimli hodisalar sodir bо‘lgan. Ammo anchadan buyon ular haqida о‘ylamaysiz. Ularning ayrimlari juda ahamiyatli, ba’zilari esa unchalik emas. Biroq ular sizni xursand qila olgan. Baxtli onlaringiz, daqiqalaringizni, sizni baxtli qila olgan, eng orombaxsh lahzalarni bera olgan eng gо‘zal kunlarni hayotingizga qaytaring. О‘sha lahzalarga, omad chо‘qqilarida yurgan vaqtingizga qayting, baxtli о‘tmishingizni his qiling. Xayolan takrorlanmang, shoshilmang, har bir obrazga о‘zini yana namoyon qilishi uchun imkon bering.
Seans sо‘ngida 5 gacha sanang va sekin-asta real hayotga qayting!
«Vahimadan qutulish usuli»
(kuzatuv texnikasi)
Ushbu mashqning maqsadi: vahimadan qutulish, xavotirlilik, kutilayotgan stressli vaziyatga tayyorgarlik.
Bajarish vaqti: 5-10 daqiqa.
Muolaja: bо‘shashing, oydin kun, atrof yam-yashil bezangan, ajoyib bir о‘tloqda о‘tiribman deb tasavvur qiling… Kamalak nurlarini osmonga taratib turibdi. Bu tarovatning bir qismi sizga tegishli…u minglab quyoshlardan-da yorqinroq…Uning nurlari boshingiz va tanangizni mayin, yoqimli tarzda silab о‘tyapti. О‘zingizdan xavotirli, tashvishli, salbiy hissiyotlarga tо‘la xayollar, qо‘rquvlarning ortga singib borayotganini his qilasiz. Tanangizdagi nosog‘lom qismlar mayin shamolga singib ketadigan qora tutunga aylanib, sizni tark etayotganini his etasiz.
Nihoyat, xavotirdan xolisiz, kayfiyatingiz ham kо‘tarinki!!!