Zamonaviy fan nuqtai nazaridan aytganda, antropologiya quyidagi uchta katta bo‘limdan iborat: antropogenez; irqshunoslik (etnik Antropologiya) odam morfologiyasi - Morfologiya odamning jismoniy tuzilishidagi belgilarning yosh, jins, kasb va tashqi sharoitga qarab o‘zgarishini tushuntirib beradi. Irqshunoslik odamzod irqlarining kelib chiqish davri va sabablarini, ularning Yer yuziga tarqalishini izohlab, etnogenez muammolarini yechishga ham o‘z hissasini qo‘shadi. Antropologiya o‘zining turlicha tekshirish usullariga (antropometriya, osteometriya, kraniometriya) va ko‘p xil asboblariga ega. Antropologiya biologiya fanining faqat nazariy sohasi bo‘libgina qolmay, amaliy ahamiyatga ega bo‘lgan sohasi hamdir. Uning dalillaridan ko‘p sohalarda, jumladan tibbiyotning har xil sohalarida (masalan odamning jismoniy o‘sishini o‘rganishda), shuningdek sud ekspertizasida foydalaniladi.
Do'stlaringiz bilan baham: |