Mavzu: Ochlovchi moddalar saqlagan dorivor òsimliklar

Mavzu:Ochlovchi moddalar saqlagan dorivor òsimliklar

I Kirish

Mavzuning dolzarbligi va ahamiyati

I Adabiyotlar sharhi

1.Ochlovchi moddalar haqida umumiy tushuncha

2.Ochlovchi moddalarning òsimliklar hayotidagi ahamiyati..

3.Ochlovchi moddalar saqlagan dorivor òsimliklar

3.1.Sumak òsimliging bargi

3.1.2Skumpiya òsimligining bargi

3.1.3.Dub daraxtining postloģi

3.1.4.Ilonsimon toron òsimligining ildizpoyasi

3.1.5.Zangvizorba òsimliging ildizi va ildizpoyasi

3.1.6.Ğozpanja òsimligining ildizpoyasi

3.1.7.Chernika òsimliging mevasi

3.1.8.Qizilpoya òsimligining yer ustki qismi

3.1.9.Shumurt mevasi

II.Amaliy qism

4.Tarkibida ochlovchi moddalar bòlgan òsimliklarni tahlil qilish usullari.Ochlovchi moddalarga sifat reaksiyalar

4.1.Ochlovchi moddalarning tasnif(klassifikasiya)reaksiyalari

4.1.2.Mahsulot tarkibidagi ochlovchi moddalar miqdorini aniqlash usullari

4.1.3.Aniqlash texnikasi(XI DF bòyicha)

5.Ochlovchi moddalar saqlovchi dorivor òsimliklarning tibbiyottagi ahamiyati

6.Tanin olinadigan mahsulotlar.Tanin.

III.Yakuniy qism

IV.Mundarija

V. Foydalanilgan adabiyotlar

Kirish

Hayvonlarning xom terisini oshlash xususiyatiga ega va ko‘p atomli fenollar unumidan tashkil topgan hamda o‘simliklardan olinadigan yuqori molekulali zaharsiz murakkab organik birikmalar o‘simlikning oshlovchi moddalari – tanidlar deb ataladi.

Oshlash jarayonida oshlovchi moddalar terining oqsil moddalari bilan birikib, erimaydigan birikma hosil qiladi. Natijada hayvonlar terisi o‘zidan suv o‘tkazmaydigan, chirimaydigan, elastik va shu kabi xususiyatlarga ega bo‘ladi.

Oshlovchi moddalarning bu xususiyatiga polifenollarning hamma unumlari ega bo‘lavermaydi. Terini oshlay oladigan polifenollar zichligi (molekula og‘irligi) 500 bilan 3000 o‘rtasida bo‘lishi lozim. Polifenollar zichligi 500 dan kam bo‘lganda, ular oqsil moddalar bilan adsorbsiya bo‘lsa ham, turg‘un birikma hosil qila olmaydi. Zichligi 3000 dan ortiq bo‘lgan polifenollar esa molekulalarining yirikligi sababli kollagenning fibrinlari orasidan sig‘ib o‘tib, turg‘un birikma beriish qiyin. Polifenollar terini oshlash xususiyatiga ega bo‘lishi uchun ular molekulasi tarkibida etarli miqdorda gidroksil guruhi (zichlikning har 100 ta birligida kamida 1–2 gidroksil guruhi) bo‘lishi ham kerak.

Tanidlarning terini oshlash xususiyati kishilarga qadimdan ma’lum. Yuqori Misrning aholi yashagan erlaridan (bundan 5000 yil burun) xom teri, oshlovchi materiallar va oshlangan terilar topilgan. Bu keltirilgan dalillar kishilar qadim zamonlardan beri terini oshlashni bilganliklarini va shu maqsadda tarkibida tanidlar bo‘lgan o‘simliklardan foydalanganliklarini ko‘rsatadi.

Tanidlar tabiatda keng tarqalgan bo‘lib, ayniqsa ikki pallali o‘simliklar sinfiga kiruvchi oilalarda, masalan, ra’noguldoshlar – Rosaceae, dukkakdoshlar – Fabaceae, qoraqatdoshlar – Saxifragaceae, torondoshlar – Polygonaceae, toldoshlar – Salicaceae, qoraqayindoshlar – Fagaceae, pistadoshlar – Anacar- diaceae va boshqa oilalar vakillari tarkibida ko‘p uchraydi. Tanidlar, ayniqsa gallalarda, o‘simliklarning patologik o‘simtalarida ko‘p (ba’zan 70% dan oshadi) bo‘ladi.

Oshlovchi moddalar o‘simliklarning hamma organlarida to‘planishi mumkin. Ular daraxt va butalar po‘stlog‘ida, yog‘och qismida hamda ko‘p yillik o‘t o‘simliklarning er ostki organlarida ko‘p bo‘ladi. Ba’zan tanidlar daraxt va butalar bargida, mevasida, o‘t o‘simliklarning barcha er ustki qismida ham to‘planadi.