Mavzu: Neftni quvur uzatmalarga ketma ket haydashning gidravlik hisobii Konlarda qo‘llaniladigan quvur uzatgichlar tasnifi

 
5. Quvur uzatgichlarning ichki va tashqi korroziyasi. 
Metallning atrof – muhit ta’sirida yemirilishi korroziya deyiladi. Kon xududidan o‘tgan quvur 
uzatgichlar uch xil, ya’ni atmosfera korroziyasi, tuproq korroziyasi va ichki korroziya ta’sirida 
yemirilishi mumkin. Atmosfera korroziyasi – yer yuzasida joylashgan quvurlarning ob-havo ta’sirida 
zanglashi. Buni bartaraf qilish qiyin emas. Buning uchun quvurlar bo‘yoklar yordamida bo‘yaladi. 
Tuproq korroziyasi murakkabroq. Bunda tuproq tagida yotgan quvurlar tuproqning kimyoviy tarkibi, 
namligi natijasida zanglab ishdan chiqadi. Masalan, sho‘ri yo‘q, quruq, qumli tuproqda yotgan 
quvurlar, nam, sho‘r tuproqda yotgan quvurlarga nisbatan ko‘proq xizmat qiladi. 
Quvur devorlarining ichidan oqayotgan nordon va ishqorli asosga ega bo‘lgan suyuqliklar bilan 
ta’siri natijasida hosil bo‘ladigan korroziya ichki korroziya deyiladi. 
Kon xududidagi quvur uzatgichlar ichki va tashqi tarafdan korroziyaga uchrab yemirilishi 
mumkinligini hisobga olib, ularni ham ichidan, ham tashqarisidan himoya qilish lozim. Quvurlarning 
korroziyaga qarshi qoplamasi quyidagi talablarga javob berishi lozim: suv o‘tkazmasligi, metall bilan 
mustahkam jipslashishi, elektr tokini o‘tkazmasligi, kam harajatliligi va boshqalar.