Забой фрезерлари Забой фрезерлари скважина забойида ётган майда металл парчаларини емириш учун қўлланилади. Забой фрезери корпусдан иборат. Унинг бир томонига қувурга боғлаш учун йирик резба чиқарилган. Бошқа томони бир бутун яхлит металл бўлиб, унга қаттиқ металл-керамикадан ясалган қаламчалар ўрнатилган. Скважинада суюқлик айланиб туриши учун фрезернинг пастки яхлит томонида учта тешик ва ёнларидан ариқчалар очилган. Фрезерларни пармалаш қувурлари айлантиради ва унга юк бериб туради. У қаламчалар металл устида айланганда синиб кетмаслиги учун махсус юмшоқ металл қуйишмаси билан қопланган. Забой фрезерлари ўнг ва сўл резбали бўлади.
Халқа фрезерлари (ФК-фрезер кольцевой)
Халқа фрезерлари (ФК) скважинада ёпишиб, ушланиб қолган пармалаш ва насос-компрессор қувурларининг ташқи томонидан пармалаб бўшатишга хизмат қилади. ФК турли фрезерлар яхлит қувур сифат корпусдан иборат бўлиб, остки қисмига металлокерамика қотишмасидан тайёрланган пластинкалар ёпиштирилган. Фрезернинг ички томонига винтсимон ариқча қилинган. Фрезерга бериладиган юк 10-50 кН, 1 мин. айланиши 50-90 бўлиши мумкин. Суюқлик айланиши 10-12 л/с.
Фрезер-райбер Мавжуд скважинадан янги йўналишли скважина пармалашда, мустаҳкамловчи қувурлар бирикмасидан туйнук (окно) очиш учун фрезер-райбер ишлатилади. Фрезер-райберлар йиғма этиб ясалади. Бир йиғимда 3 турли райбер бўлиб, уларнинг ўлчами №1 дан 3 га қараб ошиб боради. Туйнук олдин фрезер №1 билан тешилади ва кейин фрезер №2, 3 билан кенгайтирилади.
Фрезер-райбер ФРС: а-№1; б-№2, в-№3. Конусли фрезер Конусли фрезер – мустаҳкамловчи қувур бирикмаларининг шикастланган жойларини фрезерлашга мўлжалланган. Улар икки турда тайёрланади: ён ювиш тешикли; ён ва марказий ювиш тешикли
Конусли фрезер: а – ён ювиш тешикли; б – ён ва марказий ювиш тешикли. Магнитли фрезерлар Магнитли фрезерлар скважинадан ферромагнит хоссага эга бўлган металл қолдиқларини чиқаришга мўлжалланган. Бу фрезерлар икки турда бўлади: фақат магнит кучи билан тутувчи МФ ва магнит ва қопқон тутқичли МТФ. МТФ фрезер билан неферромагнит буюмлар (долотанинг тишлари, енгил қоришмали металл буюмлар) тутиш учун шлам-металл ушлагичлар билан бирга ишлаш тавсия қилинади. Забойдаги буюмларнинг ҳаммасини чиқариб олиш учун скважина мукаммал ювилади. Ювиш муддати забой ҳолатига ва скважина чуқурлигига боғлиқ. Агар металл буюмлар магнит қутбдан (плюсдан) 1-2 см масофада жойлашган бўлса уни тутқичлар ўзига яхши тортади. Забойда йирик буюмлар мавжуд бўлса коронка фрезерлар қўлланилади. Фрезерни кўтаришдан олдин уни айлантириш тўхтатилади ва забойда қолган металл парчаларига ўтказилади. Магнит-фрезерга бериладиган юк 50 кНдан ошмаслиги керак. Фрезер кўтарилгандан кейин унинг ишчи қисми металл парчаларидан тозаланади.