Mavzu. Ms excel jadval muxarririda tibbiyot masalalarini echish. Mashg‘ulotning maqsadi

1-AMALİY MASHG‘ULOT

Mavzu. MS Excel jadval muxarririda tibbiyot masalalarini echish.
Mashg‘ulotning maqsadi: talabalarni MS Excel dasturining imkoniyatlari bilan tanishtirish va dasturda tibbiyot masalalarini echish. MS Excel dasturlaridan mustaqil foydalana olish va diagrammalar tuzishni o‘rgatish.

Vazifa:

1. 
   Quyidagilarni alohida-alohida izohlang:
   
   1. 
      Yacheyka (ячейка; cell);
      
   2. 
      Jadval (таблица; table);
      
   3. 
      Varaq (лист; page);
      
   4. 
      Ish kitobi (рабочая книга; workbook).
      
2. 
   Quyidagi jadvalni to‘ldiring:
   

	Ustunlar soni	Satrlar soni	Yacheykalar soni
MS Excel 2003
MS Excel 2007
MS Excel 2010
MS Excel 2013

3. 
   Quyidagilarni amalda bajarib ko‘rsating:
   
   1. 
      Oxirgi ustunga tez borish va birinchi ustunga qaytish.
      
   2. 
      Oxirgi satrga tez borish va birinchi satrga qaytish.
      
   3. 
      Istalgan yacheykaga tez borish.
      
   4. 
      Aynan o‘rtadagi satr, o‘rtadagi ustun va o‘rtadagi yacheykaga tez borish.
      
4. 
   A, B va C ustunlarda ma’lumot bor. B ustundagi ma’lumotlar ko‘rinmas holatda yashirilsin.
   

Avvalgi holat	Keyingi holat

5. 
   A1, A2 va A3 satrlarda ma’lumot bor. A2 satrdagi ma’lumotlar ko‘rinmas holatda yashirilsin.
   

Avvalgi holat	Keyingi holat

6. 
   A1 yacheykaga 4, B1 yacheykaga 6 va C1 yacheykaga 8 soni yozilsin. Bu yacheykalar belgilab olinib, quyidagi diagrammalar hosil qilinsin:
   

Gistogramma ko‘rinishi Doiraviy
diagramma




Trubaviy diagramma

NAZARIY QISM

Elektron jadvallarni qayta ishlashda jadval protsessorlarining funksional imkoniyatlaridan optimal foydalanish. Elektron jadval deganda, jadval ko‘rinishida berilgan ma’lumotlarni kompyuterda dasturli qayta ishlashga mo‘ljallangan amaliy dastur tushuniladi.
Elektron jadvallarning asosiy vazifasi ma’lumotlarni jadval ko‘rinishida tasvirlash va qayta ishlash bo‘lib, birlamchi vazifasi hisob-kitoblarni avtomatlashtirishdir.
Elektron jadvallar qo‘llanilayotgan sohalar juda ko‘p. Masalan: moliya, buxgalteriyaga oid (xususan, ish haqini hisoblash), har xil iqtisodiy, texnik hisoblar, kundalik, xo‘jalik mollari va mahsulotlarni sotib olish hisoblari va hokazolar.

Elektron jadvallar beradigan imkoniyatlar dasturlarning turlariga bog‘liq bo‘lib, asosan, quyidagilardan iborat:

• 
  ma’lumotlarni jadval ko‘rinishida tasvirlash va ko‘rinishini o‘zgartirish;
  
• 
  jadval elementlarini formatlash;
  
• 
  formulalardan foydalanish (hisob-kitoblarni avtomatlashtirish);
  
• 
  yacheykalarni avtomatik to‘ldirish;
  
• 
  standart funksiyalar majmuidan foydalanish;
  
• 
  ma’lumotlarni izlash va almashtirish;
  
• 
  ma’lumotlar asosida turli ko‘rinishda shakllar hosil qilish va tahrirlash;
  
• 
  ma’lumotlar bazasini hosil qilish va uning ustida amallar bajarish.
  

Birinchi elektron jadval dasturi VisiCalc (Visible calculator – ko‘rinayotgan kalkulator) nomi bilan Den Briklin va Bob Frenkston tomonidan 1979-yilda ishlab chiqilgan. Undan keyin kompyuterlarning turlari va vazifasiga qarab SuperCalc, Multiplan, Framework, Simphony, Works, 1C-Buxgalteriya, Master, MS Excel va boshqalar ishlab chiqarilgan va takomillashtirib borilmoqda.
Dastlabki versiyasi 1994-yilda Microsoft kompaniyasi tomonidan ishlab chiqarilgan va takomillashtirib borilayotgan Excel dasturi hozirgi kunda eng ommalashgan jadval protsessoridir.