Мавзу: Молиявий қонунчиликнинг аҳамияти ва унинг ўзига хос хусусиятлари маърузанинг натижалари

ОЛИБ БОРИШ МЕТОДИКАСИ:

• 
  Маърузани ўтиш жараёнида технологик харитада кўрсатилган ахборот-коммуникатив ва замонавий педагогик технологиялардан фойдаланилиши назарда тутилади;
  
• 
  Маъруза мавзусининг долзарблиги, ўрганилганлик даражаси, бу соҳада амалга оширилаётган ислоҳотлар мазмуни ҳақида тушунча берилади;
  
• 
  Мавзуга оид миллий ва халқаро норматив ҳужжатлар билан таништирилади ва таҳлил қилинади;
  
• 
  Режа асосида слайдлар ёрдамида молиявий институтлар тушунтирилади;
  
• 
  Молиявий ҳуқуқий ҳужжатлар ўрганилади ва таҳлил қилинади;
  
• 
  Мунозарали (назарий) саволлар ўртага ташланади ва уларга баҳо берилади;
  
• 
  Муаммоли масалалар тарқатилади ва уларнинг ечими эшитилади;
  
• 
  Зарурият туғилганда, масала ва саволлар уйга топшириқ сифатида берилади;
  
• 
  Асосий тушунчалар, савол-жавоблар умумлаштирилиб, маърузага якун ясалади.
  

3. 
   ТАЯНЧ ТУШУНЧАЛАР:
   

• 
  Молия - лотинча сўздан олинган бўлиб, пул тўловлари деган маънони англатади.
  
• 
  Ўзбекистон Республикасининг молияси - бу Ўзбекистон Республикасининг пул жамғармаларини (бюджет, бюджетдан ташқари ва бошқа жамғармаларни) ташкил қилиш, уни бўлиб чиқиш ва ундан фойдаланиш ҳамда аҳолининг ижтимоий-маданий талабини қондиришдаги, республика иқтисодиёти, ижтимоий-маданий ва маъмурий-сиёсий ривожланишни таъминловчи молиявий (иқтисодий) муносабатлар ҳисобланади.
  
• 
  Молия тизими - ўзаро боғлиқ бўлган бўғинлар(институтлар)дан иборат. Бу ҳолат шу билан ифодаланадики, у ўз таъсири билан давлатнинг бутун иқтисодини қамраб олади. Молия таркибига кирувчи бўғинлар йиғиндиси ўзаро алоқадорликда - давлатнинг молиявий тизимини ташкил қилади
  
• 
  Молиявий фаолият деганда - марказлашган ва марказлашмаган пул жамғармаларини мақсадга мувофиқ ва режали ташкил этиш, уни тақсимлаш ва фойдаланиш фаолиятини тушунамиз. Молиявий ҳуқуқий актлар — бу маълум бир шаклда қабул қилинган, юридик оқибатларга олиб келадиган давлат ва маҳаллий ҳокимият органларининг молиявий фаолият бўйича ўз ваколатлари доирасида қабул қилган қарорлари ҳисобланади. Ҳуқуқий актлар орқали молиявий-ҳуқуқий нормалар ўрнатилади, ўзгартирилади ва бекор қилинади ёки улар аниқ бир ҳуқуқий муносабатларнинг юзага келиши, ўзгариши ва бекор бўлишида асос бўлиб хизмат қилади.
  
•