Мавзу: Молиявий қонунчиликнинг аҳамияти ва унинг ўзига хос хусусиятлари маърузанинг натижалари

Молиявий фаолиятни амалга оширувчи органлар. Давлат молиявий фаолиятини амалга оширишда давлат ҳокимияти ва бошқарув органларининг барчаси иштирок этади, чунки уларнинг ҳар бири молия билан боғлиқ бўлган муайян функцияларни бажаради. Шу билан бирга, улар молиявий фаолиятининг хусусияти ва мазмуни бир-биридан фарқ қилиб, ушбу органларнинг вазифалари ва ҳуқуқий ҳолати билан белгиланади. Буларни ҳисобга олган ҳолда, давлат молиявий фаолиятини амалга оширувчи органларни бир неча гуруҳларга ажратиш мумкин.

Давлат ва маҳаллий ҳокимият органлари молиявий фаолиятининг ҳуқуқий шакллари. Давлат молиявий фаолиятининг шакллари турли-тумандир. Уларнинг ҳар бирида тегишли босқичдаги молиявий маблағларни ташкил этиш, тақсимлаш ва ундан фойдаланиш бўйича давлат органларининг фаолияти ифода этилади. Давлат молиявий фаолиятининг шакллари характерига кўра ҳуқуқий ва ноҳуқуқийларга бўлинади. Ҳуқуқий шакллар орқали ҳуқуқ нормалари ўрнатилади ёки қўлланилади. Ноҳуқуқий шакллар орқали эса, моддий-техник тадбирлар амалга оширилади, масалан, молия ва солиқ органларида мажлислар ўтказиш, аҳолига молиявий қонунчиликни тушунтириш, молиявий - техник операциялар, молиявий-иқтисодий таҳлил, ҳужжатларни тайёрлаш каби ташкилий ишлар амалга оширилади. Ноҳуқуқий шакллар юридик аҳамиятга эга бўлмайди, улардан ҳеч қандай ҳуқуқий оқибатлар келиб чиқмайди.

5. 
   СЕМИНАР САВОЛЛАРИ:
   

• 
  Молия тушунчаси ва функцияларининг мазмун-моҳиятини очиб беринг.
  
• 
  Ўзбекистон Республикасининг молия тизими, унинг таркиби тушунтиринг.
  
• 
  Давлатнинг молиявий фаолияти тушунчаси ва унинг элементларини ёритиб беринг.
  
• 
  Давлат молиявий фаолиятининг принциплари тушунчаси ва тизими.
  
• 
  Молиявий фаолиятни амалга оширувчи давлат органларининг ҳуқуқий ҳолатига баҳо беринг;
  
• 
  Давлатнинг молиявий фаолият шакллари тушунчасининг мазмун-моҳиятини очиб беринг.
  
• 
  Давлатнинг молиявий фаолият шаклларини турлари: ҳуқуқий шакллар, ноҳуқуқий шаклларини тушунтиринг.
  
• 
  Молиявий-ҳуқуқий актлар тушунчаси ва асосий хусусиятларини ёритиб беринг.
  
• 
  Молиявий-ҳуқуқий актларига қўйиладиган талабларни тушунтиринг..
  
• 
  Молиявий-ҳуқуқий актларнинг таснифини тушунтиринг.