Мавзу: Молиявий иктисодий инкирозни бартараф этишда тижорат банкларида кредит муаммолари аудитини аҳамиятини ошириш йўллари

Гаров таваккалчилиги - бу гаров ҳужжатлари тўғри расмийлаштирилмаган, гаровга қўйилган мол-мулк банк назоратидан четда қолган, гаровга қўйилган мулкнинг нархи тушаётган бўлса ёки табиий офат натижасида вужудга келиши мумкин.
Концентрация таваккалчилиги — кредит портфелининг иқтисодиёт тармокларида, ҳудудларда ва айрим олинган қарздорлар ўртасида нотўғри диверсификация қилиш (тақсимлаш) натижасида вужудга келиб, ушбу тармоқ ва ҳудудларда инқирознинг вужудга келиши банкка катта зарар етказиши ёки банкнинг ҳам таназзулга юз тутишига олиб келади.
Мамлакат таваккалчилиги - айрим чет давлатларнинг иқтисодий, ижтимоий ва сиёсий аҳволи қарз олувчининг Ўз вақтида эркин айирбошланадиган валютада қарзни қайтариш имкони бўлмай қолганда юз беради. Чунки бу даватларда эркин алмашинувчи валюта захиралари камлиги сабабли қарз олувчи ўз вактида тўловни амалга оширолмаслиги мумкин.
Чет эл валютаси таваккалчилиги — чет эл валютаси курсининг ўзгариши қарз олувчининг молиявий аҳволига ёмон таъсир қилиши мумкин. Қарз олувчи кредитни чет эл валютасида қайтариш учун чет эл валютасини сотиб олиши керак. Миллий валютанинг эркин алмаштириладиган валютага нисбатан курси ёмон томонга ўзгариши натижасида қарз олувчи зарур миқдорда миллий валютани тўплаши қийинлашганда юз беради.
Қаллоблик таваккалчилиги - қарз олувчи алдаш орқали кредит олган бўлса, албатта бундай операция банкка зарар етказади.
Банкка тегишли шахслар билан боғлиқ таваккалчиликлар — тижорат банкларига алоқадор шахслар, хусусан Банк кенгаши ва бошқарув аъзоларига, йирик акциядорларга кредит берилганда, банк ва мижозларнинг манфаатлари бир-бирига мос келмаслиги натижасида юзага чиқади.
Ҳуқуқий-иқтисодий меъёрларга мос келиш таваккалчи­лиги — ҳуқуқий меъёрларга амал қилинмай берилган кредитлар банкка зарар келтириши мумкин. Кредит берилаётганда зарур даражада ҳужжатлаштирилмаслиги, гаров ва кафолатнинг нотўғри расмийлаштирилиши натижаси­да банк хўжалик судларидаги жараёнларда ютқазиб, за­рар кўриш мумкин.