Мавзу: «модданинг тузилиши»

Баҳзи суюқликларнинг 20^оС даги сирт таранглиги.

Модда	Мн/м	Модда	Мн/м
Диэтилэфир Этил спирт Сирка кислота Углерод тетрахлорид	16,5 22,3 23,5 26,8	Бензол Анилин Глецирин Сув Симоб	28,9 40,8 63,0 62,7 471,6

Температура ортиши билан моддаларнинг сирт таранглиги камаяди. Мисол тариқасида сувнинг турли температуралардаги сирт таранглик қийматларини келтирамиз.

Температура ^о С	0	10	20	30	60	80
Мн/м	75,6	74,2	72,7	71,2	66,2	62,5

Суюқликда эриган моддалар ҳам унинг сирт таранглигини ўзгартиради. Суюқликнинг сирт таранглигини оширадиган моддалар сирт - актив, сирт таранглигини камайтирадиганлари эса сирт- ноактив моддалар дейилади. Сирт тарангликни аниқлашнинг кўп қўлланиладиган усуллари копилляр кўтарилиш усули ва сталагмометрия (томчиларни санаш) усулидир.

Суюқликнинг капилляр ичида кўтарилиш усули хўллайдиган суюқликларнинг сирт таранглик туфайли капилярларда кўтарилишига асосланган. Капиляр суюқликка ботирилганда суюқлик капиляр деворларини хўллаб сирт таранглик кучи туфайли юқорига кўтарилади. Суюқликнинг капиляр найда кўтарилиш баландлиги h, найнинг радиуси r ва суюқлик зичлиги d бўлса, унинг сирт таранглиги ушбу формуладан топилади:
 = 1/2 rhdg
Бунда, g - оғирлик кучи тезланиши.
Бу формуладан шу нарса ҳам кўринадики, капилярнинг радиуси қанча кичик бўлса, суюқлик шунча баланд кўтарилади. Қишда тупроқ эзилиб, зичлашганлиги сабабли радиуси кичик капилярлар кўпайиб кетади ва қиши билан тупроқда тўпланган сув баҳорда шу капилярлар орқали тез кўтарилиб, буғланиб кетади. Тупроқда намликнинг сақлаб қолиш учун ер эрта баҳорда бороналади. Бунда капиллярлар бузилиб, сувнинг буғланиши камаяди. Натижада тупроқда намлик кўп сақланиб қолади ва экинлардан яхши хосиллар олинади.
Сталагмометрия (томчиларни санаш) усули. Капиллярлар учидан оқиб тушаётган суюқлик томчиси сирт таранглик кучи таҳсирида шар шаклини олади. Томчининг массаси сирт таранглик кучини енггандагина томчи узилиб тушади. Бу усулда сирт тарангликни аниқлаш учун муайян хажмдаги сталагмометрдан аввал сув, сўнгра текширалаётган суюқлик томчилатиб тушурилади. Сув томчилари сони (n₀) ёзиб олинади. Сирт таранглик ушбу формулага кўра ҳисобланади:

 = ₀ n₀ d/ nd₀

Бу формуладаги сувнинг зичлиги (d₀), текширилаётган суюқлик зичлиги (d)ва тоза сувнинг сирт таранлиги (₀) тажриба температурасида жадвалдан олинади.

Суюқликларнинг қовушоқлиги. Суюқ холатдаги модда заррачалари доимо бир-бирига тегиб туради. Шу сабабли суюқлик қатламлари харакатланганда катта ички ишқаланиш вужудга келади. Бундай ички ишқаланиш молекулалар орасидаги ўзаро тортишув кучларига боғлиқ бўлади ва суюқликнинг қовушоқлиги дейилади.
Суюқликнинг қовушоқлиги температурага қараб ўзгаради: температура пасайганда қовушоқлик жуда ортиб кетади. Қовушоқлик пуазларда (1 пуаз = 1 г/см . сек) ёки сантипуаз ва микропуазларда ўлчанади.
Қовушоқлик () билан суюқликнинг солиштирма хажми орасидаги боғланиш А.И.Бачинский формуласи билан ифодаланади:
 = c/v-w
Бунда v- суюқликнинг солиштирма хажми.