Мавзу: Мактабгача таълим ташкилотида тасвирий фаолият орқали болаларни ижодкорликка ўргатиш(4 соат) Ишнинг мақсади

Мавзу: Мактабгача таълим ташкилотида тасвирий фаолият орқали болаларни ижодкорликка ўргатиш(4 соат)


Ишнинг мақсади: тингловчиларни мактабгача таълим муассасаларида болаларга расм чизишга ўргатишда: сюжетли, декоратив, предметлар расмини чиздириш, ясси аппликация, ҳажмли аппликация асосида ясашга ўргатиш, қоғоз ва картон билан ишлаш, қайта ишлаш жараёнида трафарет‚ шаблон ва муҳр асосида ишлаш техникаси, турли ёш гуруҳлари учун тасвирий фаолият бўйича машғулот ишланмаларини ишлаб чиқиш малака ва кўникмаларини ошириш.


Таянч тушунчалар: индикатор, оригами, киригами, кусудама, цукудама, бадиий-эстетик тарбиялаш, конструктор, сунъий пластик масса, усул, услуб.


Мактабгача ёшдаги болаларни расм чизиш фаолиятига ўргатиш.


Алоҳида предметларнинг расмини чизишга ўргатишда шаклларни тасвирлаш жараёнидаги хатоликлар фақатгина боланинг нотўғри тушунчалари ва кўникмаларнинг етарли эмаслиги предметни тўғри идрок этишни билмаслиги билан тушунтирилади. Боланинг тасвирлай олиш қобилияти ҳали яхши ривожланмагани учун унинг олдида фикр юритиб тасвирлаш каби қийинчиликлари ҳам туради. Расмда шакл тўғри контур билан чегаралаб чиқилган, лекин шу билан бирга ишнинг 1-босқичлари чизиқларни тўғри аниқ чизиш ва контурларни (аниқлаш) тасвирий, расмда
ишлаш жараёнининг вазифаси бўлиб ҳисобланмайди. Агар умумий шакл топилмаган бўлса, контурни тўғри чизиқ билан чизиб бўлмайди, чунки у ҳар доим ўзгарувчан, шунга қараб уни чизиш ҳам ўзгаради, яъни нитижаси, расмнинг охири йўналиши ҳам ўзгарувчандир.

Барча ёш гуруҳлар учун расм чизиш фаолиятига ўргатишнинг асосий умумий вазифалари қуйидагилар:

1. 
   Предметнинг шакли ва тўзилишини тасвирлашга, уларнинг қисмларини ўзаро пропорциялашни кўрсатиб беришга, ҳаракат натижасида уларда ўзгатишларда ўргатиш.
   

2. 
   Тасвирлашнинг образли, ёрқин қисмларни тасвирлашга ўргатиш.
   

3. 
   Предметнинг рангини, унинг мазмуни ва образ характерини ўзаро бирлаштириб беришга ўргатиш.
   

4. 
   Бўёқ, рангли қалам ва бошқа материаллар билан чизишда техник кўникмаларни ривожлантириш.