Мавзу: Локал ва глобал ўзгарувчилар. Функсиялардан фойдаланиш. Олдиндан аниқланган функсиялар. Фойдаланувчи томонидан аниқланадиган функсиялар

Статик ўзгарувчилар
Статик ўзгарувчилар static модификатари билан эълон қилинади ва ўз хусусиятига кўра глобал ўзгарувчиларга ўхшайди. Агар бу турдаги ўзгарувчи глобал бўлса, унинг амал қилиш соҳаси – эълон қилинган жойдан то файл охиригача бўлади. Агар статик ўзгарувчи функция ёки блок ичида эълон қилинадиган бўлса, у функция ёки блокка биринчи киришда инициализация қилинади. Ўзгарувчининг бу қиймати функциянинг кейинги чақирувларида ёки блокка киришда сақланиб қолади ва бу қийматни ўзгартириш мумкин бўлади. Статик ўзгарувчиларни ташқи деб эълон қилиб бўлиб бўлмайди.
Агар статик ўзгарувчи иницализация қилинмаган бўлса, унинг биринчи мурожатдаги қиймати 0 ҳисобланади.
Мисол тариқасида бирорта функцияни неча маротаба чақирганлигини аниқлаш масаласини кўрайлик:
#include
int Count(void);
int main( )
{
int result;
for (int i=0; i<30; i++ )
result=Count( );
cout << result;
return 0;
}
int Count (void)
{
static short counter=0;
…
counter++;
return counter;
}
Бу ерда асосий функциядан counter статик ўзгарувчига эга Count( ) функцияси 30 марта чақирилади. Функция биринчи марта чақирилганда counter статик ўзгарувчига 0 қийматини қабул қилади ва қиймати 1 ортган ҳолда функция қиймати сифатида қайтарилади. Статик ўзгарувчилар қийматини функцияни бир чақирилишидан иккинчисига сақланиб қолиниши сабабли, кейинги мурожаатларда couter қиймати биттага ортиб боради.

volatile синфи ўзгарувчилари
Агар программада ўзгарувчини бирорта ташқи қурилма ёки бошқа программа билан боғлаш учун ишлатиш зарур бўладиган бўлса у volatile модификатори билан эълон қилинади. Компилятор бу модификаторли ўзгарувчини регистрга жойлаштиришга ҳаракат қилмайди. Бундай ўзгарувчилар эълонига мисол қуйида келтирилган:
volatile short port_1;
volatile const int Adress=0x00A2;
Мисолдан кўриниб турибдики, volatile модификаторли константа ҳам эълон қилиниши ҳам мумкин.