Мавзу: Конни ишлатишни лойиҳалаштириш учун дастлабки маълумотларни тайёрлаш

• Мавзу:Конни ишлатишни лойиҳалаштириш учун дастлабки маълумотларни тайёрлаш

• Нефть ва газ конларини ишга туширишдан олдин уларнинг ишлаш лойиҳасини тузиб чиқиш керак бўлади. Ишлаш лойиҳаси конни ишлаш ва ишлатиш усулларини, шу конни жиҳозлаш лойиҳаси учун керак бўладиган ҳамма асосий маълумотларни ва асосий технологик кўрсаткичларни ўз ичига олган бўлиши керак.

• Умуман олганда, кон очилганидан то у саноат миқёсида ишга тушгунга қадар бир қанча лойиҳалаш босқичидан ўтади.
• Мавжуд бўлган «Нефть ва нефть-газ конларининг ишлаш қоидалари»да кўрсатилиб ўтилганидек, ҳар бир лойиҳалаш босқичи конни техник ва технологик жиҳатдан саноат миқёсида ишлатишга тайёрлаб боради.

• Одатда, геология-қидирув ташкилотлари томонидан топилган янги кон то у саноат миқёсида ишга тушиб кетгунча конни ишлатишнинг қуйидаги лойиҳалаш босқичларидан ўтади:
• синов ишлатиш лойиҳаси;
• синов-саноат ишлашнинг технологик схемаси;
• ишлашнинг технологик схемаси;
• ишлаш лойиҳаси;
• аниқлаштирилган ишлаш лойиҳаси;
• ишлаш таҳлили.
• ¥ар бир лойиҳалаш боскичига мос равишда конни жиҳозлаш бўйича лойиҳалаш ишлари ҳам олиб борилади.

• Ҳамма ишлаш ва ишлатиш лойиҳаларида қуйидагилар назарда тутилган бўлиши шарт:
• конни (ёки алоҳида бир уюмни) бир текисда бурғилаш ишлари;
• тасдиқланган нефть, газ ва ҳамроҳ комнонентларнинг захираларидан омилкорона ва самарали фойдаланиш;
• коннинг энг маҳсулдор қисмини ишлатиб, қолган қисмининг қолиб кетишига ва захираларнинг йўқотилишига олиб келадиган ҳолатга йўл кўймаслик;
• конда қўшимча қидирув ишлари олиб бориш;
• кўп қатламли конларда мустақил ишлатиладиган объектларни асослаб бериш.

• «Синов ишлатиш лойиҳаси» нефть ва газ конларини лойиҳалаштиришдаги биринчи босқич бўлиб, қидирув ишлари тугалланмаган конлар учун тузилади ва ишлатувчи ташкилот орқали тасдиқланади. Бу лойиҳанинг асосий мақсади ва вазифаси бўлиб, кондан қидирув ишлари даврида олинган дастлабки маълумотларни қайта текшириш, янги маълумотларни олиш, кон захираларини ҳисоблаш учун керакли кўрсаткичларни аниқлаш, ишлаш тизимини асослаб бериш, алоҳида ишлаши мумкин бўлган объектларни ажратиб бериш, нефть ва газ олиш имкониятларини, суръатини башорат қилиш каби ишлар мўлжалланади.