Мавзу. Кириш. Фаннинг мақсади ва вазифалари. Асосий тушунча ва таърифлар. Oracle рмббт. Oracle мббт ни қИСҚача ривожланиш тарихи. Шахсий мббт. Сервер асосидаги тизимлар. Реляцион маълумотлар базаси модели. Oracle архитектураси

Асосий тушунчалар
Жадваллар (Tables) Маълумотлар базасини ташкил қилувчи асосий жадваллар. Жадваллар сатр ва устунлардан ташкил топади. Битта ёки бир нечта жадваллар жадвал соҳасини (Tablespace) ичида сақланади.
Блок (block) – (ТМББТ) ORACLE маълумотларни сақлашни энг кичик бирлиги . У блокни ўзи (маълумотлар ёки PL/SQL –коди) ва ахборотлар сарлавҳасидан иборат. Блокни ўлчами 2 дан 16 Кбайтгача бўлади.
Буфер (buffer) – маълумотларни сақлаш учун ишлатиладиган бирорта оператив хотира ҳажми. Буферда ишлатишга мўлжалланган ёки яқин орада ишлатилган маълумотлар жойлашади. Кўпгина ҳолларда буферда қаттиқ дискда сақланаётган маълумотларни нусхалари жойлашади. Буфердаги маълумотлар ўзгартирилиши мумкин ва диск ёзиб қўйилиши ёки вақтинча сақловчи буферга жойлаштирилиши мумкин. Буферлар тўплами (гуруҳи) маълумотларни кэш буферни ташкил қилади. Шунингдек буферда ўзгаришлар журналидаги вақтинчалик ёзувлар сақланиши мумкин. Улар кейинчалик дискка ёзилади (ўзгаришлар журнали буфери).
Ифлос буфер (Dirty buffer) – маълумотлари ўзгартилган буфер. Характеристикаларни динамик жадваллари (Dynamic Performance Tables) – ORACLE нусхаси ишга тушганда автоматик равишда яратиладиган жадвал ва у шу нусхани характеристикаларини сақлаш учун ишлатилади. Улар ўз ичида боғланишлар, киритиш(чиқариш), мухит параметрларини бошланғич қийматлари ҳақидаги ахборотларни сақлайди.
Индекс (Index) – Индекслар устун ёки устунлар гуруҳи бўйича яратилади. Индекс маълумотларни тезкор ва самарали топиш имконини беради. Жадвалларга мурожат индексланган устун (ёки устунлар ) бўйича амалга оширилади.
Класт ер (Cluster) – Кластер бу жадваллар гуруҳ (тўплами) бўлиб биргаликда ишлатадиган умумий устунга эга бўлади ва физик нуқтаи назардан битта жадвалдай сақланади. Агар маълумотлар икки ёки бир нечта жадваллардан бир вақтда умумий устундаги маълумотлар бўйича қидиралаётган бўлса, кластерлар катта самара бериши мумкин. Жадвалларга улар кластерни қисми бўлса ҳам алоҳида мурожат қилиши мумкин.Кластерларни структураси боғланган маълумотларга бир вақтда мурожат қилинганда киритиш ва чиқариш харажатларини камайтириш имконини беради.
Тасавур (View) маълумотлар базасида мавжуд бўлиши шарт бўлмаган, лекин алоҳида фойдаланувчини сўровини бажариш вақтида яратиладиган виртуал жадвалдир. Тасавурлар билан жадваллар билан бажариладиган амалларни (сўровлар қуриш, олиб ташлаш, тиклаш) чекланмаган ҳолда бажариш мумкин.