Mavzu: Kichik biznes va xususiy tadbirkorlikni rivojlantirishni ijtimoiy-iqtisodiy ahamiyati

2.3. “PAXTASANOATTRANS” MAS’ULYATI CHEKLANGAN JAMIYATINING IQTISODIY KO’RSATKICHLARI TAHLILI

“Paxtasanoattrans” mas’uliyati cheklangan jamiyati 2009-yil 19-fevralda №0039-sonli guvoxnomaga asosan transport xizmati ko’rsatish faoliyati bilan shug’ullanib kelmoqda. Jamiyat O’zbekiston iqtisodiyotining asosiy tarmoqlaridan biri bo’lmish, paxta sanoatida o’z faoliyatini amalga oshirib bormoqda. Jamiyat o’zining maxsus avtotransport vositalariga, ularni saqlovchi va texnik xizmat ko’rsatuvchi bino-inshootlariga ega.

O’rganilgan 2012-yil 1-yanvar holatidagi balans hisobotlariga asosan 2011-yil yakunlari bo’yicha jamiyatning aktivlari, ya’ni asosiy vositalari miqdori 5058,3 mln. so’mni, uzoq muddatli investitsiyalari miqdori 700,5 mln. so’mni, kapital qo’yilmalar miqdori 15,3 mln. so’mni, tovar moddiy zahiralari miqdori 1015,3 mln. so’mni, debitorlik qarzi miqdori 1454,4 mln. so’mni, xisob raqamidagi pul mablag’i miqdori 11,7 mln. so’mni, jami aktivlari esa 6475,9 mln. so’mni tashkil etadi.