Мавзу: касблар ва профессионализм мутахассисликка кириш фанининг асосий тушунчаси сифатида режа

2) Психолог- инсонлар учун уларнинг муаммоларини ҳал қилиб беради! Бўлмаган гап! Психолог шундай муҳитни ва шундай вазиятларни яратадики бунда инсон ўз муаммосини ўзи ҳал қила оладиган ҳолатга келиб қолади. Кўшимча тарзда шуни айтиш мумкинки, психологдан фақатгина консултатция олиш учун унга мурожаат қилган инсонлар билан ишлайди. Ва у фақатгина ўзини ўзгартиришга (атрофдагиларни эмас) қодир ва тайёр инсонларга ёрдам бера олади.
Психологга қўйидаги саволлар берилиши керак эмас:
-еримни "тоза сувга" олиб чиқишга ёрдам беринг;
-қизим ўша безори билан учрашмаслиги учун нима қилишим керак;
-сиз шундай қилингки директорим маошимни ошириб берсин;
Шу ўринда бир латифа эсимга тушди: Олдинлари мени ўзимнинг катта бурним ва сепкилларим жуда қаттиқ хавотирга қўярди:
-нима пластик жарроҳга бориб операция қилдирдингми?
-йўқ мен психологга мурожаат қилдим, ва энди улар мени асло хавотирга солмаяпти.
3- Психолог инсонларни ким эканлигини олдиндан айтиб беради! Бу ўта муболағали вазият. Аслида психолог маҳлум маҳнода бирон бир инсонни у ёки бу вазиятда қандай иш тутиши мумкинлигини таҳлил қила олади. Аммо бу ундан юксак профессионалликни талаб қилади. Психолог шахсининг хусусиятларини, унинг характери, темпераменти, мавжуд вазияти ҳақида маълумотларга эга бўлиб олиши лозим.
4. Психолог-илоҳий куч эгасидир! фол очиш, учинчи кўз, космосдан информациялар қабул қилиш…..Юқоридагиларнинг ҳеч бири психологик билимлар сирасига кирмайди ва психологлар олий таълим муассасаларида уларнинг ҳеч бирини ўрганмайдилар. Бу муаммолар билан "парапсихология" соҳаси шуғулланади. "пара" кўшимчаси "деярли" , "ўхшаш" деган маҳнога эга. Бу эса психологияга яқин, шунга ўхшаш соҳа демакдир. Шу билан бирга психолог истаса бундай ҳолатларга ишонади истамаса эса йўқ!
5) Психолог барча муаммоларни ҳал қила олади! Психолог мижозлари учун муаммони ҳал қилмайди балки уларга бунда ёрдам кўрсатади. Аммо бирон бир қарорни психолог ёрдамида қабул қилиш бир қанча омилларга боғлиқ:
-Унинг тайёргарлик даражаси (бу психологнинг қанча олийгоҳни битиргани қанча китоб ўқигани билан эмас, балки улардан қанчасини тушуниб, ўқигани билан белгиланади);
-Профессионал фаолияти учун зарур бўлган шахс сифатлари (тинглаш қобилияти, мижознинг эмоционал ҳолатини ҳис қила олиш қобиляти, интуиция, креативлиги);
Мижозлар билан боғлиқ омиллар ҳам мавжуд. Булар:
-Ушбу вазият устидан жавобгарлик ҳиссининг мавжудлиги;
-Муаммоларини эчишда психологга ёрдам бериш ва ўзини ўзгартира олиш;
-Психолог билан очиқ, самимий ва ҳаққоний мулоқот қилиш.
Энг яхши натижаларга фақатгина психолог ва мижоз орасида ўзаро ишонч, симпатия мавжуд бўлгандагина эришиш мумкин.