Mаvzu. Kаsbiy mа`nаviyat fаnining prеdmеti, mаqsаd vа vаzifаlаri. Rеjа

Ma`naviyat va huquq. Respublikamizda demokratik jamiyat va huquqiy davalt qurish sohasida katta ishlar amalga oshirilmoqda. Fuqarolarning erki, huquqlari, burchlari, erkinliklari darajasi jamiyatning demokratlashuvi sifatii ifoda etadi. Bu jarayonlar adolatli jamiyat fuqarolarining ma`naviy-axloqiy va huquqiy rivohjlanganliklariga ko`p jihatdan bog`liq bo`ladi.
Huquqiy davlatning mohiyatini insonparvalik tashkil etadi, uning mohiyati shundaki, hokimiyatning birdan bir manbayi xalq hisoblanadi, bu davlat o`zining millat va elatlariga teng siyosiy huquqlarini, ijtimoiy-iqtisodiy hamda madaniy rivojlanishi uchu teng imkoniyatlarni kafolatlaydi, millatparastlik, irqchilik, shovinizm, xalqlarning huquqlarini cheklash yo`lidagi har qanday urinishlarga qat`iyan kurash olib boradi. Shubhasiz, bu tamoyillar huquqiy davlatning ma`naviy tabiatini aks ettiradi.
Ko`ranadiki, amalga oshirilayotgan huquqiy islohotlar, huquqiy talablar ahr bir fuqaroning ongiga yetib borishi, e`tiqodiga aylanishi, eng muhimi, kundalik turmushdagi amaliy faoliyatining mezoni bo`lishi zarur. Bu nafaqat siyoisy-huquqiy, ayni paytda, ma`naviy taraqqiyot ehtiyojining ifodasi hamdir. Darvoqe, huquqiy davlat tushunchasining o`zi ham ma`naviy qadriyatdir. Huquqiy davlat faoliyat ko`rsatadigan jamiyatda hammaning qonun oldida teng bo`lishi va qonunning ustuvorligi ta`minlanadi. Bu ustuvorlik ma`naviyatning adolatparvarlik tamoyili bilan asoslanadi. Buning zamirida ishonch, e`tiqod, ma`naviy javobgarlik, kafolat, tashabbuskorlik, ijodkorlikka intilish, davlat va millat ravnaqi uchun ma`naviy mas`ulligi tarkib topadi.
Ma`naviyat va huquq mushtarakligining yana bir jihati huquqiy imtiyozlar va axloqiy burchlarning kafolatlanishidir. Kishilarning huquqiy va axloqiy ongi inson ma`nmaviy hayotida muhim o`rin tutadi. Huquq ham, axloq ham ular faoliyatini boshqarib turadi. Insonning halol, pok, nomusli, o`ziga talabchan, jamoatchilikning fikrini hurmat qilish kabi fazilatlari huquqiy madaniyatning ma`naviy negizi sanaladi. Albatta, insonning aksilma`naviy faoliyatini baholaganda axloq ham, huquq ham o`ziga xos munosabat bildiradi.