мавзу. Касбий этика категориялари (2 соат маъруза соат семинар) режа

НАЗОКАТ ҚОИДАЛАРИГА КЎРА:
- расмий идорага бош кийимда кириш ва баланд овозда гапириш;
- шовқин солиш, атрофдагиларга ҳалақит бериш ва ғашига тегиш;
- бошқа дин, эътиқод, миллат ё давлатни эрга уриш;
-бировнинг камчилик ва хатоларидан қўлиш;
-ўзига ўзатилган қўлни намойишкорона олмаслик;
- суҳбатдошни ҳақорат қилувчи сўзлар айтиш;
- хат ё совғани қайтариб юбориш;
- ҳамсуҳбатининг яқин кишиси ҳақида менсимай гапириш;
- бировларнинг сумкасини очиш, очиқ бўлса ичига қараш;
- бегоналарнинг чўнтагини текшириш;
-сўрамай бошқалар столига тегиниш, ичидагиларнинг жойини ўзгартириш, тортмаларни титиш, бегона шкаф, буфет ва қазноқларни очиб қараш мумкин эмас.
Шунинг учун ўзи ҳақида яхши фикр ва ишонч уйғотишни истаган киши камтар, беғараз, тартибли бўлиши лозим. Аммо меъёрни ёдда тутган ҳолда, ахир шакарнинг ҳам ози ширин.
Агар унча яқин бўлмаган бир киши сизга яхшилик қилса, миннатдорчилик белгиси сифатида торт, бир даста гул ёки шампан виноси юбориш мумкин.
Агар кўрсатилган ёрдам катта миқдордаги пул ёки вақтга тегишли бўлса, табиий шарбат, ҳўл мева, шоколад, кофелардан пакет қилиб бериш мумкин. Дарҳол миннатдорчилик билдирмай бирор байрамни кутса ҳам бўлади. Бу – ҳар икки томонга қулай. Арзимаган ёрдам учун ҳам ташаккур билдиришингиз атрофдагиларга сизнинг ношукур ва яхшиликни унутадиган нонкўр эмаслигингизни билдиради.
Агар кўрсатилган ёрдам сизга қанчалар қўл келганини миннатдорчилик сўзлари битилган хат орқали маълум қилсангиз, бу энг яхши совға бўлади.
Дўстлар яхшиликка дарров жавоб қайтариши ё совға салом қилиши шартмас: уларнинг бир-бирига ёрдам бериши табиий ҳол.

1^ Байбурин А.К., Топорков А.Л. У истоков этикета. - Ленинград, Наука, 1990, стр. 25.

2^Ўзбекистон Республикаси Конституцияси. – Т., Ўзбекистон, 2014, 8-бет.